"ეკლესიასთან კონსულტაციები წარმატებით დასრულდა.კონსტიტუციაში მართლმადიდებლობის, როგორც ქართული სახელმწიფოს თვითმყოფადობის საყრდენის მისია მკაფიოდ აისახება" - ივანიშვილი
"მართლმადიდებელ ეკლესიასთან კონსულტაციები წარმატებით დასრულდა და გვინდა წარმოგიდგინოთ კიდევ ერთი საკონსტიტუციო ცვლილება, რომელსაც ჩვენი პოლიტიკური გუნდი არჩევნების შემდეგ განახორციელებს" - ამის შესახებ "ქართული ოცნების" საპატიო თავმჯდომარემ, ბიძინა ივანიშვილმა ოზურგეთში, მხარდამჭერებთან შეხვედრისას, სიტყვით გამოსვლისას განაცხადა.
"მადლობა გვინდა გადავუხადოთ ეკლესიას, უწმინდესსა და უნეტარესს, მღვდელმთავრებს, ჩვენი ინიციატივის მხარდაჭერისთვის.
მართლმადიდებელ ეკლესიასთან კონსულტაციები წარმატებით დასრულდა. საქართველოს კონსტიტუციაში მართლმადიდებლობის, როგორც ქართული სახელმწყიფოს თვითმყოფადობის საყრდენის მისია მკაფიოდ აისახება", - აღნიშნა ივანიშვილმა.
ცნობისთვის, ხელისუფლებამ ეკლესიას მართლმადიდებლობის სახელმწიფო რელიგიად გამოცხადება შესთავაზე. ამ თემაზე გაიმართა კონსულტაციები და მღვდელმთავრები ინიციატივის წინააღმდეგები იყვნენ.
- ნახეთ ასევე:
- "პირობას გაძლევთ, რომ არჩევნების შემდეგ ჩვენ აუცილებლად გავასამართლებთ კოლექტიურ "ნაცმოძრაობას“ მოღალატეობრივი ქმედებების გამო!" - ბიძინა ივანიშვილი
- "ნებისმიერ დროს მზად უნდა ვიყოთ ტერიტორიული მთლიანობის მშვიდობიანი გზით აღსადგენად... მმართველ გუნდს ამისათვის მაქსიმალური ლეგიტიმაცია სჭირდება" - ბიძინა ივანიშვილი
- "სამართლიანად უწოდებს ჩვენი ხალხი ბიძინა ივანიშვილს მშვიდობისმყოფელს" - ირაკლი ღარიბაშვილი