აუცილებელი სია - სად ვიყიდოთ მაღალი ხარისხის სასკოლო ნივთები ხელმისაწვდომ ფასად

14:03 / 04-09-2024

არ არსებობს მოსწავლე, რომლისთვისაც წინასასკოლო სამზადისი ნამდვილი დღესასწაული არ არის. მეორე მხრივ, არ არსებობს მშობელი, რომელსაც არ სურს შვილისთვის მაღალი ხარისხის სასკოლო ნივთები ხელმისაწვდომ ფასად შეიძინოს. ამ მიმართულებით ქართულ ბაზარზე დიდი არჩევანია, თუმცა მათ შორის განსაკუთრებული ადგილი უჭირავს ესპანურ ბრენდ „მილანს“, რომელსაც საუკუნოვანი ისტორია და მრავალფეროვანი ასორტიმენტი გამოარჩევს. მაღალი ხარისხი და ხელმისაწვდომი ფასი კი მისი მახასიათებელი ორი მთავარი უპირატესობაა.

ბრენდი „მილანი“ მე-20 საუკუნის დასაწყისში შეიქმნა ესპანეთში, ბარსელონაში. უამრავ ადამიანს ამ სახელის გაგებისას ქალაქი მილანი ახსენდება, თუმცა ესპანურ ბრენდს არაფერი აქვს საერთო იტალიურ ქალაქთან. დასახელება ესპანური გვარიდან „მილანიდან“ მოდის. ჯოზე მილანი თავდაპირველად საკანცელარიო ნივთების გამყიდველი იყო, შედეგ ერთ-ერთ მწარმოებელთან პარტნიორობით საკუთარი ბრენდის ქვეშ სხვადასხვა პროდუქციის შექმნა დაიწყო. „მილანის“ პროდუქციამ მალე მთელი ესპანეთი დაიპყრო. ეს გახლდა მილანების საგვარეულო ბიზნესი, თუმცა მოგვიანებით სამარკო ნიშანი და ბრენდი კომპანიებმა FACTIS S.A. და MARCÓ DACHS S.A. შეიძინეს და წარმოება წარმოუდგენლად მრავალფეროვანი გახადეს. ძალიან მალე ბრენდი ესპანეთის საზღვრებს გასცდა და ევროპის არაერთი ქვეყნის ბაზრის ლიდერი გახდა. დღეს „მილანის“ პროდუქცია 120-ზე მეტ ქვეყანაში ოფიციალურადაა წარმოდგენილი. მათ შორისაა საქართველოც, სადაც ბრენდის ოფიციალური წარმომადგენელი გახლავთ „ბიბლუსი“. „ბიბლუსისა“ და „მილანის“ თანამშრომლობა წლების წინ დაიწყო და დღემდე წარმატებით გრძელდება.

საქმიანობის დასაწყისში „მილანს“ სურდა ყოფილიყო ბრენდი, რომელიც მოსწავლეების სურვილებსა და მოთხოვნებს ხელმისაწვდომ ფასად აქცევდა რეალობად. მან ამ მიზნის მიღწევა ნამდვილად შეძლო. დღეს „მილანი“ გამორჩეულია:

· მაღალი ხარისხით - ბრენდი მაქსიმალურ აქცენტს აკეთებს უმაღლესი ხარისხის მასალებზე;
· გამორჩეული დიზაინით - „მილანის“ თითოეული პროდუქტი განსაკუთრებული დიზაინით იქმნება. ეს გულისხმობს როგორც ვიზუალს, ისე მის ერგონომიულობას;
· ინოვაციურობით - ბრენდი ცდილობს მომხმარებლებს შესთავაზოს ინოვაციები დიზაინის, მასალების თუ ტექნოლოგიების თვალსაზრისით;
· მრავალფეროვანი ასორტიმენტით - არ არსებობს სასკოლო-საკანცელარიო ნივთი, რომელსაც „მილანის“ ასორტიმენტში ვერ ნახავთ.

როგორც უკვე აღვნიშნეთ, „მილანის“ პროდუქციის შეძენა „ბიბლუსის“ მაღაზიებშია შესაძლებელი მთელი ქვეყნის მასშტაბით. ასორტიმენტი მართლაც მრავალფეროვანია როგორც ვიზუალის, ისე ფასების გათვალისწინებით. დაწყებითი კლასის მოსწავლეებისთვის საჭირო ნივთების სია კი ასე გამოიყურება:

· ჩანთა
· პენალი
· ფერადი ფანქრები
· შავი ფანქარი
· ფლომასტერები
· სახაზავი
· სათლელი
· საშლელი
· რვეულები
· წებო
· ფერადი ფურცლები
· პლასტილინები
· მაკრატელი
· სახატავი რვეული

„მილანის“ პროდუქციის შეძენა ასევე შესაძლებელია ონლაინ „ბიბლუსის“ ვებგვერდზე. შეძენილ ნივთებს სასურველ მისამართზე მიიღებთ.