წამებში გადავსებული სტადიონი და ლეგენდების მატჩი, სადაც "მეგობრობამ გაიმარჯვა" - "მილანმა" საქართველოს ნაკრებს პენალტებით მოუგო (ფოტოები)
მიხეილ მესხის სახელობის სტადიონზე საქართველოს ნაკრებისა და „მილანის“ ლეგენდების მატჩი გაიმართა, რომლის ძირითადი დროც 2:2 დასრულდა, ხოლო პენალტების სერიაში „მილანმა“ 3:1 გაიმარჯვა.
შეხვედრის პირველ ნახევარში საქართველოს ნაკრებს პირველი გოლით უპირატესობა გიორგი დემეტრაძემ მოუტანა.
მატჩის მეორე ნახევარში, ანგარიში “მილანის” ფეხბურთელმა, მარკო ბორიელომ გაათანაბრა.
ამის შემდეგ საქართველო კვლავ დაწინაურდა დავით სირაძის გოლით, თუმცა საბოლოოდ ანგარიში “მილანის” ფეხბურთელმა კლარენს ზეედორფისმა გაათანაბრა.
ცნობისთვის, თბილისში, მიხეილ მესხის სახელობის სტადიონზე საქართველოს ნაკრებისა და „მილანის“ ლეგენდების ამხანაგური მატჩი გაიმართა. ამხანაგურ შეხვედრაში „მილანის" ძველი თაობის ფეხბურთელები: კაკა, რივალდო, სერჟინიო, ზეედორფი, კაფუ და სხვები მონაწილეობდნენ.
რაც შეეხება საქართველოს ნაკრებს, კახა კალაძე, ლევან კობიაშვილი, გიორგი ქინქლაძე, შოთა არველაძე, მიხეილ ყაველაშვილი და სხვებმა ითამაშეს. თამაში ნამდვილას იყო სანახაობრივი. მატჩის შემდეგ შეიძლება ითქვას, რომ სტადიონი გადაივსო გულშემატკივრებით, რომლებსაც განსაკუთრებით სტუმრად ჩამოსული ლეგენდარული ფეხბურთელების ახლოს ხილვა სურდათ.
ფოტოები: ინტერპრესნიუსი, გიორგი ჟამერაშვილი
