ირანმა ისრაელის მიმართულებით ბალისტიკური რაკეტები გაუშვა - "ეს არის პასუხი ნასრალას მკვლელობაზე": რა კადრები ვრცელდება?
ირანმა ისრაელის მიმართულებით ბალისტიკური რაკეტები გაუშვა. ამის შესახებ ინფორმაციას ისრაელის თავდაცვის ძალები ავრცელებენ.
განცხადების თანახმად, საჰაერო თავდასხმის სირენები ისრაელის ცენტრალურ და სამხრეთ ნაწილებში ისმის. ირანის რევოლუციურმა გვარდიამ განაცხადა, რომ ისრაელზე განხორციელებული სარაკეტო თავდასხმა გასულ კვირას "ჰეზბოლას" მეთაურის ჰასან ნასრალას, ისევე როგორც ჰამასის ლიდერის ისმაილ ჰანიეს მკვლელობის საპასუხოდ იყო.
- ზოგიერთი მედიასაშუალების თანახმად, ირანმა ისრაელის მიმართულებით 100-ზე მეტი ბალისტიკური რაკეტა გაუშვა. მათი ჩამოგდების ვიდეოები უკვე ვრცელდება სოციალურ ქსელებში.
<blockquote class="twitter-tweet" data-media-max-width="560"><p lang="en" dir="ltr">Sirens continue to sound across Israel amid an Iranian missile attack. <br><br>Some media reports in Israel suggest that over 100 missiles have been launched in the attack. <a href="https://t.co/BJ8R3H6XSw">pic.twitter.com/BJ8R3H6XSw</a></p>— Emanuel (Mannie) Fabian (@manniefabian) <a href="https://twitter.com/manniefabian/status/1841157302369325283?ref_src=twsrc%5Etfw">October 1, 2024</a></blockquote> <script async src="https://platform.twitter.com/widgets.js" charset="utf-8"></script>აშშ-ის თეთრი სახლის ინფორმაციით, აშშ-ის პრეზიდენტმა ჯო ბაიდენმა, ვიცე-პრეზიდენტმა კამალა ჰარისმა და ეროვნული უსაფრთხოების საკითხებში მრჩევლებმა “განიხილეს აშშ-ის მზადებების სტატუსი, რათა დაეხმარონ ისრაელს ამ თავდასხმებისგან დაცვაში და რეგიონში ამერიკელი სამხედრო მოსამსახურეები დაიცვან.”
- თეთრმა სახლმა განცხადება მომხდარიდან მალევე გაავრცელა. მათივე თქმით, ბაიდენმა ამერიკელ სამხედროებს ირანის რაკეტების ჩამოგდება უბრძანა.
აღსანიშნავია, რომ შეერთებულმა შტატებმა მნიშვნელოვანი როლი ითამაშა ირანული რაკეტების ჩამოგდებაში თეირანის ბოლო დარტყმის დროს ისრაელზე, 13 აპრილს. თეთრი სახლის ინფორმაციით, ბაიდენი და კამალა ჰარისი სიტუაციას აკვირდებიან.
წაიკითხეთ ასევე: