გარდაცვლილი იპოვეს მამაკაცი, რომელიც გაუჩინარებული შვილის მოსაძებნად ლოს-ანჯელესში გაფრინდა - შოკისმომგვრელი ამბის დეტალები

ჰავაელი გაუჩინარებული 31 წლის ქალის, ჰანა კობაიაშის მამა, რომელიც ქალიშვილის მოსაძებნად ლოს-ანჯელესში გაფრინდა, გარდაცვლილი იპოვეს. პოლიციის ინფორმაციით, ერთ-ერთი ვერსიით, მამაკაცმა თავი მოიკლა.

• 58 წლის რაიან კობაიაში ჰავაიდან ლოს-ანჯელესში დაკარგული ქალიშვილის მოსაძებნად ჩავიდა. მისი ცხედარი ლოს-ანჯელესის საერთაშორისო აეროპორტის სიახლოვეს აღმოაჩინეს.

რაიანი, პოლიციასთან ერთად, თავის 31 წლის ქალიშვილს 15 ნოემბრის შემდეგ ეძებდა.

”13 დღის განმავლობაში დაუღალავი ძებნის შემდეგ, ჰანას მამამ, რაიან კობაიაშიმ, სავარაუდოდ, თავი მოიკლა”, - აღნიშნულია დაკარგული პირების არაკომერციული ორგანიზაციის, Rad Movement-ის განცხადებაში. ამ ვერსიას იზიარებს გარდაცვლილის ოჯახიც.

• რაც შეეხება ჰანა კობაიაშის გაუჩინარების საქმეს. ბოლო ის აეროპორტის სათვალთვალო კამერებმა დააფიქსირეს.

ამის შემდეგ მისი კვალი უმისამართოდ გაქრა. ოჯახი კვლავ აგრძელებს დაკარგული ჰანას ძებნას და საზოგადოებას დახმარების თხოვნით მიმართავს.

“ჰანა ისევ დაკარგულია და სავარაუდოდ, საფრთხეშია,“ - ნათქვამია ოჯახის განცხადებაში.

• დეტალები

10 ნოემბერს ჰანა კობაიაში იმყოფებოდა ლოს-ანჯელესში - სავაჭრო ცენტრ Grove-ში. ცნობილია, რომ მომდევნო დღეს მან მეგობარს შეტყობინება გაუგზავნა, რომელშიც აღნიშნავდა, რომ “ვიღაცა მისი მაიდენტიფიცირებელი დოკუმენტების მოპარვას ცდილობდა".

ლოს-ანჯელესის პოლიციის დეპარტამენტმა 15 ნოემბრიდან ჰანა კობაიაში უგზო-უკვლოდ დაკარგულთა სიაში შეიყვანა და მასზე ძებნა გამოაცხადა.

წყარო