"დაიწყეს საკვების დარიგება და..." - ნიგერიაში სკოლის ღონისძიებაზე ჭყლეტის დროს 35 ბავშვი დაიღუპა: დაკავებულია დირექტორი (ფოტოები/ვიდეო)
სამხრეთ-დასავლეთ ნიგერიაში, სასკოლო ღონისძიებაზე მომხდარი ჭყლეტის დროს 35 ბავშვი დაიღუპა, - ინფორმაციას „დოიჩე ველე“ ადგილობრივ ხელისუფლებაზე დაყრდნობით ავრცელებს.
მათივე ინფორმაციით, დაშავებულია კიდევ 6 ბავშვი.
- ჭყლეტა ლაგოსის ეკონომიკური ცენტრის მახლობლად, ბაშორუნის რაიონში მდებარე ისლამურ სკოლაში მოხდა.
სკოლაში ოჯახებისთვის ორგანიზებულ ღონისძიებაზე ათასობით ადამიანი იყო შეკრებილი. გავრცელებული ინფორმაციით, ჭყლეტა მას შემდეგ დაიწყო, რაც ღონისძიების ორგანიზატორებმა საკვებისა და საჩუქრების დარიგება დაიწყეს.
მომხდართან დაკავშირებით დაკავებულია რამდენიმე პირი, მათ შორის სკოლის დირექტორი.
<iframe width="560" height="315" src="https://www.youtube.com/embed/T6-AiwWKhI0?si=Ajtj_Ql_Gelxs--E" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>