ყაზახეთში ჩამოვარდა სამგზავრო თვითმფრინავი, რომელიც ბაქო გროზნოს რეისს ასრულებდა - არსებული ინფორმაციით ბორტზე 67 მგზავრი იმყოფებოდა
მედიის ინფორმაციით, ყაზახეთში ჩამოვარდა აზერბაიჯანის ავიახაზების სამგზავრო თვითმფრინავი. არსებული ინფორმაციით, უამინდობის გამო, ეკიპაჟმა გადაწყვიტა თვითმფრინავი ყაზახეთის ქალაქ აქთაუს აეროპორტში დაესვა.
თვითმფრინავი კი დაშვებისას ჩამოვარდა.
- ამ დროისთვის არსებული ცნობებით, ბორტზე 67 მგზავრი და ეკიპაჟის 5 წევრი იმყოფებოდა,
პირველადი მონაცემებით, შემთხვევა თვითმფრინავის ფრინველთან შეჯახებამ გამოიწვია. შემთხვევა ქალაქ აქთაუდან დაახლოებით, 3 კილომეტრში მოხდა.
ამ დროისთვის ვრცელდება ინფორმაცია 10 გადარჩენილის შესახებ, თუმცა სხვა დეტალები ჯერჯერობით უცნობია.