ირაკლი აზაროვის გოგონას მამა გახდა - როგორ ულოცავს "შახტარი" ქართველ ფეხბურთელს მამობას: "მის ოჯახში ბედნიერი მოვლენა მოხდა"

დონეცკის შახტარის 22 წლის მცველმა ირაკლი აზაროვმა ცხოვრებაში ახალი ეტაპი დაიწყო - ფეხბურთელი მამა პირველად გახდა.

როგორც კლუბის პრესსამსახური იტყობინება, ფეხბურთელის მეუღლე ნინის ქალიშვილი შეეძინა, რომელსაც ნილა დაარქვეს.

"23 დეკემბერს „შახტარის“ ფეხბურთელის ირაკლი აზაროვის ოჯახში ბედნიერი მოვლენა მოხდა - მის მეუღლეს ნინას შეეძინა ქალიშვილი, გოგონას დაარქვეს ნილა, სიმაღლე 48 სმ, წონა - 2900 გ.

ვულოცავთ ნინას და ირაკლის ამ ბედნიერ მომენტს ცხოვრებაში! პატარას ვუსურვებთ ჯანმრთელობას და ბედნიერებას, მთელ ოჯახს მშვიდობას, სიკეთეს და კეთილდღეობას", - წერს კლუბი.

შეგახსენებთ, რომ აზაროვი დონეცკის გუნდში 2023 წლის ზაფხულიდან თამაშობს. ამ პერიოდში ფეხბურთელმა 40 მატჩი ჩაატარა.

საქართველოს ნაკრების წევრის მეუღლემ, თბილისში, დავარაშვილის კლინიკაში იმშობიარა.