მირიან ბერულავა სასამართლო დარბაზიდან გაათავისუფლეს
ჟურნალისტი და სამოქალაქო აქტივისტი მირიან ბერულავა თავისუფალია. ქუთაისის საქალაქო სასამართლოში პროცესი ცოტა ხნის წინ დასრულდა.
მოსამართლის გადაწყვეტილებით, ბერულავა სასამართლო დარბაზიდან გათავისუფლდა.
როგორ ბერულავამ გათავისუფლების შემდეგ განაცხადა, პოლიციისთვის შეურაცხყოფა არ მიუყენებია, მხოლოდ თქვა, რომ სისტემას არ ენდობოდა.
ბერულავა ორი დღის წინ დააკავეს. მას გამოძიება, 173-ე მუხლით გათვალისწინებულ ქმედებას ედავებოდა, რაც სამსახურებრივი მოვალეობის შესრულების დროს, სამართალდამცავი ორგანოს თანამშრომლის და სხვა შესაბამისი სახელმწიფო ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.