"ტრამპმა უკრაინას, ფაქტობრივად, სამხედრო დახმარების შეძენა შესთავაზა" - პესკოვი
აშშ-ის პრეზიდენტის დონალდ ტრამპის დაინტერესება უკრაინის იშვიათი ლითონებით არის შეთავაზება კიევისთვის, ამ გზით სამხედრო დახმარება შეიძინოს, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა ჟურნალისტებს განუცხადა.
- „ეს არის შეთავაზება უკრაინისთვის, რომ დახმარება იყიდოს, ანუ არ გააგრძელოს მისი მიწოდება უსასყიდლოდ, ან სხვა საფუძველზე, არამედ მიაწოდოს კომერციულ საფუძველზე“, - განაცხადა კრემლის წარმომადგენელმა.
ამასთან, მისი თქმით, სჯობს, ვაშინგტონმა საერთოდ არ გაუწიოს დახმარება უკრაინას და ამით ხელი შეუწყოს კონფლიქტის დასრულებას.
შეგახსენებთ, აშშ-ის პრეზიდენტმა, დონალდ ტრამპმა გუშინ განაცხადა, რომ უკრაინამ შეერთებულ შტატებს დახმარების სანაცვლოდ იშვიათი ლითონები უნდა მიაწოდოს.