პარლამენტის წინ საპროტესტო აქცია გრძელდება - აქციის მონაწილეებმა საავტომობილო გზა გადაკეტეს

პარლამენტის წინ საპროტესტო აქცია გრძელდება. სამართალდამცველების წინააღმდეგობის მიუხედავად, საკანონმდებლო ორგანოსთან შეკრებილმა მომიტინგეებმა სავალი გზის დაკავება მაინც მოახერხეს.

პარლამენტთან მიმდინარე აქციის მონაწილეებს საზოგადოებრივი მაუწყებლის ტერიტორიიდან საპროტესტო მსვლელობით წამოსული პატიმრების მხარდამჭერი მარში შეუერთდა.

მოქალაქეები უკვე 79-ე დღეა პროტესტის ნიშნად უწყვეტად იკრიბებიან. მათი მთავარი მოთხოვნაა: ახალი არჩევნების დანიშვნა და აქციების დროს დაკავებულების გათავისუფლება.