ბაჩო ქაჯაია და ანა ტყებუჩავა სასამართლომ 5000-5000 ლარით დააჯარიმა

მსახიობები ბაჩო ქაჯაია და ანა ტყებუჩავა სასამართლომ ადმინისტრაციულ სამართალდარღვევად ცნო და 5000-5000 ლარით დააჯარიმა.

• აღნიშნული გადაწყვეტილება თბილისის საქალაქო სასამართლოს მოსამართლემ ნინო ენუქიძემ მიიღო. ბაჩო ქაჯაიას ადმინისტრაციული სახდელის სახით 5000-ლარიანი ჯარიმა დაეკისრა.

შსს-ს წარმომადგენელმა გასულ სასამართლო პროცესზე განაცხადა, რომ ქაჯაიამ შეკრებისა და მანიფესტაციის შესახებ კანონი დაარღვია და გზა ხელოვნურად იმ დროს გადაკეტა, როცა ამისთვის ხალხის რაოდენობა საკმარისი არ იყო.

რაც შეეხება ანა ტყებუჩავას, შსს-ს წარმომადგენელი სასამართლო განხილვების დროს განმარტავდა, რომ გამოკვლეული მტკიცებულებებით დასტურდებოდა, თუ როგორ იდგა ტყებუჩავა გზის სავალ ნაწილზე და გზას როგორ კეტავდა. უწყების იურისტი მსახიობის სამართალდამრღვევად ცნობას ითხოვდა.