სასამართლომ “ტვ პირველის“ ოპერატორს 2500-ლარიანი ჯარიმა დააკისრა
ადმინისტრაციულ პასუხისგებაში მიცემული „ტვ პირველის" ოპერატორი, ლაშა ჯიოშვილი სასამართლომ ადმინისტრაციულ სამართალდამრღვევად ცნო.
მოსამართლე ლევან ცაგარეიშვილის გადაწყვეტილებით მას ადმინისტრაციული სახდელის სახით 2500 - ლარიანი ჯარიმა დაეკისრა.
ცნობისთვის, ლაშა ჯიოშვილს ადმინისტრაციულ სამართალდარღვევათა კოდექსის 173-ე მუხლის პირველი და მესამე ნაწილით დააკავეს, რაც პოლიციის დაუმორჩილებლობასა და შეურაცხყოფას გულისხმობს.