რას ამბობს ტრამპი გავრცელებულ ინფორმაციაზე, რომ 9 მაისს მოსკოვში აღლუმს დაესწრება
დონალდ ტრამპის განცხადებით, 9 მაისს მოსკოვში ვიზიტს არ გეგმავს.
- აშშ-ის პრეზიდენტი, დონალდ ტრამპი ფრანგულ მედიაში გავრცელებულ ინფორმაციას გამოეხმაურა იმის შესახებ, რომ აშშ-ის პრეზიდენტი 9 მაისს აღლუმზე დასასწრებად მოსკოვში ვიზიტს გეგმავდა.
"არა, არ მივდივარ“, - განუცხადა დონალდ ტრამპმა ჟურნალისტებს.
მისი თქმით, უკრაინისა და რუსეთის პრეზიდენტებმა, ვოლოდიმირ ზელენსკიმ და ვლადიმერ პუტინმა ომის დასასრულებლად ერთად უნდა იმუშაონ.
"ვფიქრობ, პრეზიდენტი პუტინი და პრეზიდენტი ზელენსკი ერთმანეთს უნდა შეხვდნენ. იცით რატომ? ჩვენ მილიონობით ადამიანის მკვლელობების დასრულება გვინდა“, - აღნიშნა აშშ-ის პრეზიდენტმა.