მზია ამაღლობელი მის სასამართლო პროცესს ესწრება

ბათუმის საქალაქო სასამართლოში გამოცემა “ბათუმელებისა” და “ნეტგაზეთის” დამფუძნებლის მზია ამაღლობელის პროცესი დაიწყო.

სხდომას თავად მზია ამაღლობელიც ესწრება.

დღევანდელ წინასასამართლო სხდომაზე მოსამართლე ვიქტორ მეტრეველმა უნდა გადაწყვიტოს მხარეების მიერ წარმოდგენილი მტკიცებულებების დასაშვებობის საკითხი და ასევე, გადაწყდება საქმე გადაეცემა თუ არა სასამართლოს არსებითად განსახილველად.

ამასთან, სასამართლო აღკვეთის ღონისძიების გადასინჯვის თაობაზეც იმსჯელებს.

პროცესის დაწყებამდე, სასამართლოს შენობაში აქციის მონაწილეების მხრიდან ისმოდა შეძახილები “თავისუფლება მზია ამაღლობელს”, “თავისუფლება რეჟიმის ტყვეებს“.

იხილეთ ასევე:

• მზია ამაღლობელის სასამართლო პროცესს საფრანგეთის ელჩი და სხვადასხვა ქვეყნის საელჩოების წარმომადგენლები ესწრებიან