ვესპა – მოპედი, რომელმაც მსოფლიო შეცვალა: მისი ისტორია 1946 წლიდან დღემდე
თანამედროვე მსოფლიოში რთულად თუ მოიძებნება ადამიანი, რომელსაც ვესპას მოპედის შესახებ არ სმენია, თუმცა ცოტამ თუ იცის, რომ ის 1946 წელს, ომისგან განადგურებულ იტალიაში შეიქმნა იტალიური კომპანია Piaggio-ს მიერ. ამ პატარა და მოხდენილმა მოპედმა დიდი გავლენა მოახდინა როგორც მოტო სამყაროს განვითარებაზე, ისე ევროპულ კულტურაზე - ის იქცა თავისუფლებისა და სტილის სიმბოლოდ მთელს მსოფლიოში. დღეს სწორედ ვესპას შექმნის ისტორიაზე ვისაუბრებთ.
მოტო მოყვარულებისთვის გაზაფხულის გასახალისებლად კი “პიტსტოპ მოტო” მომხმარებლებს “ვესპა პრიმავერასა” და “ვესპა სპრინტზე” 16%-იან ფასდაკლებას სთავაზობს. ვესპას მოპედები კომპანიის შოურუმში 10-დან 30 აპრილამდე იქნება ფასდაკლებით წარმოდგენილი. ეს ყველა იმ ადამიანს მისცემს ლეგენდარული მოპედის შეძენის საშუალებას, ვისაც ვესპას მართვა ყოველთვის სურდა.
როგორ შეიქმნა ვესპა?
Vespa-ს ისტორია იწყება 1946 წლის 23 აპრილს, როდესაც იტალიურმა კომპანიამ Piaggio ვესპას პატენტი დაარეგისტრირა. მეორე მსოფლიო ომის გამანადგურებელი შედეგების შემდეგ, იტალიას სჭირდებოდა პატარა ზომის, ეკონომიური და პრაქტიკული ტრანსპორტი, რომელიც არა მხოლოდ გააიოლებდა ქალაქებში გადაადგილებას, არამედ შექმნიდა ახალ ეკონომიკურ შესაძლებლობებს.
თვითმფრინავების ინჟინერმა კორადინო დ'ასკანიომ შექმნა მოპედის ინოვაციური დიზაინი, რომელიც ტრანსპორტს განსაკუთრებით მარტივად სამართავსა და მოსახერხებელს ხდიდა. ხოლო როცა ენრიკო პიაჯიომ პირველად დაინახა პროტოტიპი, თქვა: "Sembra una vespa!" (კრაზანას ჰგავს!) - ასე დაიბადა სახელი "Vespa", რომელიც იდეალურად ასახავდა სკუტერის წელში გამოყვანილ ფორმას.
წარმოების ზრდა
ახალი ათასწლეულის დასაწყისში, როდესაც სატრანსპორტო ინდუსტრია მნიშვნელოვანი გამოწვევების წინაშე იდგა, Vespa-ს წარმოება უწყვეტად იზრდებოდა:
- 2004 წელს – 58,000 ერთეული
- 2006 წელს – 100,000 ერთეული
- 2017 წელს – 180,000 ერთეული
- 2018 წელს – 200,000+ ერთეული
ბოლო ათწლეულის განმავლობაში, 2 მილიონზე მეტი ახალი Vespa გამოვიდა გზებზე მთელ მსოფლიოში, რაც ადასტურებს მის მზარდ პოპულარობას თანამედროვე მსოფლიოში.
წარმოების ლოკაციები
Vespa-ს გლობალური წარმატება აისახა მის საერთაშორისო წარმოებაშიც. დღეს Vespa-ს წარმოება მიმდინარეობს სამ სტრატეგიულ ლოკაციაზე:
- პონტედერა, იტალია – 1946 წლიდან აწარმოებს Vespa-ს ევროპისა და დასავლური ბაზრებისთვის, მათ შორის ამერიკისთვის. ეს ისტორიული ქარხანა, სადაც დაიბადა პირველი Vespa, დღესაც რჩება ბრენდის სულიერ სახლად.
- ვინ ფუკი, ვიეტნამი – ემსახურება მზარდ აზიურ და შორეული აღმოსავლეთის ბაზრებს, სადაც Vespa ქალაქში სწრაფად გადაადგილების სინონიმად იქცა.
- ბარამატი, ინდოეთი – 2012 წლიდან ამარაგებს ინდურ ბაზარს, სადაც Vespa წარმატებით პოზიციონირებს როგორც პრემიუმ ბრენდი.
შეგახსენებთ, რომ “პიტსტოპ მოტო” Piaggio-ს ოფიციალური დილერია საქართველოში, კომპანიის კატალოგში კი შეგხვდებათ როგორც ვესპას მოდელები, ისე სხვა სხვადასხვა ბრენდის საუკეთესო მოტოციკლები.
თანამედროვე მოდელები
Vespa არასოდეს ყოფილა მხოლოდ ნოსტალგიის საგანი. ის განაგრძობს ინოვაციებს და თანამედროვე ტექნოლოგიების დანერგვას, ნაცნობი ზედროული დიზაინის შენარჩუნებით. დღევანდელი მოდელები ოსტატურად აერთიანებს კლასიკურ სილუეტსა და თანამედროვე ტექნიკურ მახასიათებლებს.
Vespa Primavera ახალგაზრდული, ინოვაციური და ეკომეგობრული მოდელია. მისი მსუბუქი კონსტრუქცია და დინამიკური მახასიათებლები იდეალურია ქალაქში საცობებისთვის გვერდის ასავლელად.
Vespa Sprint კი სპორტული ხასიათის მოდელია, რომელიც გამოირჩევა მაღალი ხარისხის ფოლადის კორპუსითა და ძლიერი ბორბლებით.
“პიტსტოპ მოტოში” 10 აპრილიდან მოტო მოყვარულებს კი შეეძლებათ ეს მოპედები იაფად შეიძინონ.
კულტურული გავლენა
Vespa არასოდეს ყოფილა მხოლოდ ტრანსპორტის საშუალება - ის კულტურული ფენომენია, რომელიც იტალიურ ელეგანტურობას, დიზაინის უმაღლეს ხელოვნებასა და dolce vita-ს ცხოვრების სტილს ასახავს
მის განსაკუთრებულ პოპულარობას ხელი შეუწყო 1953 წლის ლეგენდარულმა ფილმმა – "რომაული არდადეგები", სადაც გრეგორი პეკისა და ოდრი ჰეპბერნის პერსონაჟები რომის მარადიულ ქუჩებში Vespa-ს ტარებით ტკბებიან.
ასევე, Vespa-ს ნახვა შესაძლებელია საკულტო იტალიურ კინოშედევრებში, როგორებიცაა ჯუზეპე ტორნატორეს "Cinema Paradiso" და ნანი მორეტის "Caro Diario".
თუ გსურთ ლეგენდარული ვესპას მართვის გამოცდილება თავადაც გაიზიაროთ, ეწვიეთ “პიტსტოპ მოტოს” შოურუმს რაფაელ აგლაძის 11ა-ში და შეიძინეთ ვესპა 16%-იანი ფასდაკლებით.
R