ტრაგედიად ქცეული შვილის იუბილე და კატასტროფამდე რამდენიმე წუთით ადრე გადაღებული ფოტო - ახალი დეტალები ნიუ-იორკში მომხდარ შემთხვევაზე
ხუთშაბათს, ნიუ-იორკში, ჰუდსონის მდინარეში ტურისტების ოჯახის ვერტმფრენის ჩამოვარდნის შედეგად ექვსი ადამიანი, მათ შორის სამი ბავშვი დაიღუპა - გავრცელებული ინფორმაციით, ერთ-ერთ ბავშვს პარასკევს დღეს 9 წელი შეუსრულდებოდა. ოჯახმა ვერტმფრენი სწორედ მისი დაბადების დღის აღსანიშნავად დაიქირავა. გავრცელდა ბავშვის ფოტოც, რომელიც ტრაგედიამდე რამდენიმე წუთით არის გადაღებული. (იხ. მთავარი ფოტო)
- ნიუ-იორკის მერის თქმით, ხუთსულიანი ოჯახი ესპანეთიდან იყო, მეექვსე დაღუპული კი - პილოტია. ოთხი მათგანი დაღუპულად ადგილზე გამოცხადდა, ორი კი ადგილობრივ საავადმყოფოებში გადაყვანის შემდეგ გარდაიცვალა.
ინტერნეტში ოჯახის წევრების ფოტოებიც ვრცელდება. ამაღელვებელი კადრები, რომელიც New York Helicopter Tours-ის ვებსაიტზე გამოქვეყნდა, ავარიამდე 16 წუთით ადრეა გადაღებული.
კატასტროფა ხუთშაბათს, 15:15 საათზე მოხდა. შედეგად, აგუსტინ ესკობარი, მისი მეუღლე მერს კამპრუბი მონტალი და მათი მცირეწლოვანი შვილები დაიღუპნენ.
ავარიის ზუსტი მიზეზი ჯერჯერობით უცნობია. ექსპერტების თქმით, სავარაუდოდ, როტორის პირები თვითმფრინავს გამოეყო და კუდის მონაკვეთს დაეჯახა.
- ესკობარი ოქტომბერში Siemens Mobility-ის სარკინიგზო ინფრასტრუქტურის გლობალურ აღმასრულებელ დირექტორად დაინიშნა. მის მეუღლეს, მერს კამპრუბი მონტალს, ასევე შთამბეჭდავი კარიერა ჰქონდა. ის შვიდი წლის განმავლობაში ბარსელონაში Siemens Energy- ში გლობალური კომერციალიზაციის მენეჯერად მუშაობდა.