ცაზე “სმაილიკი“ გამოჩნდა - რა გადაიღეს სხვადასხვა ქვეყნიდან და კიდევ როდის შეიძლება მისი ხილვა?

25 აპრილს, გამთენიისას ცაზე უჩვეულო სანახაობა გამოჩნდა, თუმცა ის ხილული მხოლოდ რამდენიმე ქვეყანაში იყო.

იშვიათი, მოღიმარი ფორმის თანავარსკვლავედის დანახვა შესაძლებელი იყო დიდი ბრიტანეთიდან, ჩრდილოეთ ამერიკიდან, ევროპიდან ან ჩრდილოეთ ნახევარსფეროს ნებისმიერი სხვა ადგილიდან.

• თუმცა, “მოღიმარი მთვარეს“ ან “ცის ღიმილის“ დანახვა მსურველებს კიდევ ერთი დღით, პარასკევის ჩათვლით შეეძლებათ.

„სმაილიკი“ შედგება ვენერას, სატურნისა და ნახევარმთვარის ფორმისგან, რომლებიც დილის ცაზე გვერდიგვერდ არიან განლაგებული. თხელი ნახევარმთვარე ქმნის „ღიმილს“, ვენერა სახის მარჯვენა თვალია, ხოლო სატურნი - მარცხენა თვალი.

• მთვარესთან ორი ან მეტი პლანეტის მიახლოებას, ასტრონომიაში კლასტერი ეწოდება.

რამდენიმე ქვეყნის მკვიდრმა მათ მიერ გადაღებული ფოტოები უკვე გამოაქვეყნა. თუმცა, ნაწილის კადრები განსხვავდება “ ცის სმაილიკის“ პოპულარული ფოტოებისგან. როგორც აღმოჩნდა, სხვადასხვა ქვეყნიდან, ღიმილი სხვადასხვაგვარად ჩანს.

ვისაც აქვს მოღიმარი კოსმოსის დანახვის სურვილი, ჯერ კიდევ დარჩა დრო. მხოლოდ ერთი დღით - დილის 05:00- იდან 06:00-მდე ვენერა დილის კაშკაშა ობიექტი იქნება და შესაძლებელია კოსმოსმა გაგიღიმოთ კიდეც.

აღსანიშნავია, რომ რეკომენდებულია სათვალის ტარება.

წყარო

იხილეთ ასევე:

• რა არის ცნობილი პლანეტაზე, სადაც სავარაუდოდ, სიცოცხლის ნიშნები აღმოაჩინეს და რას მიაკვლიეს მეცნიერებმა K2-18b-ზე?
• მეცნიერები ამტკიცებენ, რომ აღმოაჩინეს ახალი ფერი, რომელიც ჯერ მსოფლიოში არც ერთ ადამიანს არ უნახავს