"პუტინი ხელს უშლის მოლაპარაკებებს, მსოფლიო მოთმინებას კარგავს" - დიდი ბრიტანეთის საგარეო საქმეთა მინისტრი

პუტინი საკმარისად აფერხებს და ხელს უშლის მოლაპარაკებებს, მსოფლიო მოთმინებას კარგავს, - ამის შესახებ დიდი ბრიტანეთის საგარეო საქმეთა მინისტრი, დევიდ ლემი აშშ-ის ვიცე-პრეზიდენტ ჯეი დი ვენსთან გამართული საუბრის შემდეგ X-ის საკუთარ გვერდზე წერს.

• „დღეს ჯეი დი ვენსთან საუბრის დროს გავიმეორეთ ჩვენი საერთო სურვილი დავასრულოთ უკრაინაში რუსეთის ბარბაროსული შეჭრა და ჩვენი ერთგულება მყარი მშვიდობისადმი.

პუტინმა საკმარისად დააყოვნა და ხელი შეუშალა მოლაპარაკებებს. მსოფლიომ მოთმინება დაკარგა", - წერს ლემი.