"91-ე წუთია, პსჟ ორი გოლით წინ არის, შეხედეთ კვარაცხელიას..." - ტიერი ანრიმ ლამინე იამალი და "კვარა" შეადარა: რა თქვა ლეგენდარულმა ფეხბურთელმა
"არსენალისა" და საფრანგეთის ეროვნული ნაკრების ლეგენდარულმა შემტევმა, ვეტერანმა ფეხბურთელმა, ტიერი ანრიმ ერთმანეთს ლამინე იამალი და ხვიჩა კვარაცხელია შეადარა.
"იამალს შეუძლია მივიდეს კუთხურის ალამთან, მაგრამ ის ცდილობს საჯარიმოში შეღწევას და კიდევ ერთი გოლის გატანას. თუ გაიტანს, მეორე გუნდი ვეღარაფერს გააკეთებს და ყველაფერი დასრულდება, მაგრამ ბურთი გადადის აუტზე და შემდეგ ლამინი აღარ ბრუნდება უკან, დაცვაში
ახლა შევადაროთ ეს "პარი სენ-ჟერმენს - 91-ე წუთია, პსჟ ორი გოლით წინ არის, შეხედეთ კვარაცხელიას და მის გამოცდილებას, ის არ აპირებს მოთამაშეებს შორის გაძრომას, ეს არის ის, თუ როგორ უნდა გახვიდე ჩემპიონთა ლიგის ფინალში.
ხვიჩა ვარსკვლავად გამოჩენას არ ცდილობდა. მატჩის მიწურულს მან ბურთით მიირბინა კუთხურის ალამთან და რამდენიმე წუთი გაიყვანა. კავარცხელიამ იცოდა, რომ გუნდს ფინალში გასვლისთვის ეს სჭირდებოდა", - აღნიშნა ანრიმ.
- ანრიმ ასევე აღნიშნა, რომ იამალისთვის კვარაცხელია უნდა იყოს როგორც მოდელი.
ცნობისთვის, ჩემპიონთა ლიგის ნახევარფინალში "ბარსელონა" "ინტერმა" დაამარცხა, ხოლო ლონდონის "არსენალი" პსჟ-მა. შესაბამისად, ფინალში ერთმანეთს "ინტერი" და პსჟ დაუპირისპირდებიან. ჩემპიონთა ლიგის ფინალი 31 მაისს, მიუნხენში გაიმართება.
- ნახეთ ასევე:
- "კვარა" ჩემპიონთა ლიგის ფინალშია - პსჟ-ს მიუნხენი ელოდება: დაძაბული მატჩი და ქართველის უდიდესი როლი: რა შეფასება მიიღო ხვიჩამ?
- "თითქოს სიზმარია..."- რა თქვა ხვიჩა კვარაცხელიამ ჩემპიონთა ლიგის ფინალში გასვლის შემდეგ?
- "ფენომენი, როგორიც შეიძლება 50 წელიწადში ერთხელ დაიბადოს" - თინეიჯერი მილიონერი, ფოტო მესისთან და რთული წარსული: როგორ ცხოვრობს მსოფლიოს ახალი კერპი ლამინე იამალი?