ისრაელის მასშტაბური შეტევა თეირანზე - დაბომბილია ევინის ციხე, ასევე საათი რომელიც ისრაელის განადგურების თარიღს ითვლის: დეტალები კონფლიქტის ზონიდან
ცოტა ხნის წინ, ისრაელმა საჰაერო იერიში მიიტანა თეირანის ცნობილ ევინის ციხეზე. Iran International-ის ინფორმაციით, რაკეტა ციხის შესასვლელ კარიბჭეს მოხვდა, რაც სავარაუდოდ, პატიმრების გათავისუფლებას ისახავდა მიზნად.
ევინის ციხეში ირანს პოლიტიკური პატიმრები, ჟურნალისტები, აკადემიკოსები, ადამიანის უფლებათა დამცველები ჰყავს დაკავებული.
<blockquote class="twitter-tweet" data-media-max-width="560"><p lang="en" dir="ltr">Israel is dismantling the IRGC in Tehran. <a href="https://t.co/3ZF1S0Q4a0">pic.twitter.com/3ZF1S0Q4a0</a></p>— נועה מגיד | Noa magid (@NoaMagid) <a href="https://twitter.com/NoaMagid/status/1937083519252975848?ref_src=twsrc%5Etfw">June 23, 2025</a></blockquote> <script async src="https://platform.twitter.com/widgets.js" charset="utf-8"></script>- მომხდარი ისრაელის თავდაცვის მინისტრმა დაადასტურა. ისრაელ კაცის თქმით, ისრაელი ასევე თავს დაესხა ბასიჯის შტაბ-ბინას და "ისრაელის განადგურების“ საათს - საათი, რომელიც თეირანის გულში 2017 წელს აღიმართა და ისრაელის განადგურებამდე ითვლის დროს, ისრაელის განადგურების თარიღად კი ირანში 2040 წელს ასახელებენ.
"ამჟამად ისრაელის თავდაცვის ძალები უტევენ რეჟიმის სამიზნეებს და სამთავრობო რეპრესიების ორგანოებს თეირანის ცენტრში, მათ შორის ბასიჯის შტაბ-ბინას, პოლიტიკური პატიმრებისა და რეჟიმის მოწინააღმდეგეებისთვის განკუთვნილ ევინის ციხეს, პალესტინის მოედანზე მდებარე "ისრაელის განადგურების“ საათს, რევოლუციური გვარდიის შიდა უსაფრთხოების შტაბ-ბინას სხვა სამიზნეებს", - აცხადებს ისრაელ კაცი.
