ვისაც სურს, რომ 50 წლის ასაკის შემდეგ სხარტი აზროვნება, სწრაფი რეაქციები და სიცოცხლის ხალისი შეინარჩუნოს, მედიკოსები ვიდეოთამაშებს ურჩევენ. აშშ-ის Union College-ის მეცნიერებმა დაადგინეს, რომ ინტერაქტიული ვიდეოთამაშები ასაკოვანი ადამიანის თავის ტვინზე დადებითად მოქმედებს.
მეცნიერულმა დაკვირვებებმა ცხადყო, რომ კომპიუტერული თამაშები ტვინის ყველა ძირითადი ფუნქციის შენარჩუნებას უწყობს ხელს.
"თანამედროვე სამგანზომილებიანი ელექტრონული თამაშები დიდ ყურადღებას, სწრაფ გადაწყვერტილებებს და მოქმედებებს მოითხოვს. ეს ყველაფერი ტვინისთვის სასარგებლო დატვირთვაა", - ამბობს მეცნიერთა ჯგუფის ხელმძღვანელი კაი ანდერსონ-ჰენლი.
მედიკოსთა შეფასებით, ადამიანის გონებაზე ვირტუალურ სამყაროში ყოფნაც სასარგებლოა, სადაც მოულოდნელობებთან შეჯახება უწევს.
ვიდეო თამაშები სასიკეთოდ მხოლოდ ტვინზე არ მოქმედებენ - თამაშის დროს ადამიანს სხეულის კუნთებიც დაძაბული აქვს, რაც ფიზიკურ დატვირთვას უტოლდება.
მომზადებულია itar-tass.com-ის მიხედვით.