ოპერის ჩეხი კომპოზიტორი ვლადიმერ ფრანცი, რომელსაც მთელი სხეული ტატუირებული აქვს, ჩეხეთის საპრეზიდენტო არჩევნებში მონაწილეობს. საზოგადოებრივი აზრის გამოკითხვის ბოლო შედეგებით, ჩეხი მუსიკოსი რეიტინგში მესამე ადგილზე დაწინაურდა.
პრეზიდენტობის კანდიდატს სამშობლოში უჩვეულო გარეგნობის გამო "ავატარი" შეარქვეს, საპრეზიდენტო ტელედებატების დროს კი, ერთ-ერთმა სტუმარმა მას "პაპუა-ახალი გვინეის ეგზოტიკური ქმნილება" უწოდა.
ჩეხეთში პრეზიდენტს პირდაპირი არჩევნებით ქვეყნის მოქალაქეები პირველად ირჩევენ. არჩევნები 2013 წლის 11 და 12 იანვარს გაიმართება. მანამდე ქვეყნის პირველ პირს პარლამენტის ორივე პალატის სხდომაზე ირჩევდნენ.
არჩევნებში მონაწილეობას სულ 9 კანდიდატი მიიღებს. ამ დროისთვის რეიტინგში პირველ ადგილზე ქვეყნის ყოფილი პრემიერ-მინისტრი მილოშ ზემანია.
მომზადებულია afp.com-ის მიხედვით.