რამდენიმე დღეა, კურორტ ბახმაროში შეუმოწმებელი ხორცი იყიდება. როგორც ყასბები აცხადებენ, ვეტერინარულმა სამსახურმა კურორტზე მყოფი ექიმი ჩოხატაურში დააბრუნა. "ითხოვენ "ფორმა ორს, რაც იმას ნიშნავს, რომ საქონელი ჩოხატაურში, სასაკლაოზე უნდა დავკლათ და ისე ავიტანოთ ბახმაროში. ეს კი შეუძლებლია, ხორცი გზაში გაფუჭდება. აქამდე ბახმაროში იკვლებოდა, ექიმი ამოწმებდა, ცნობას გვაძლევდა და დამსვენებელიც ჯანმრთელ პროდუქტს იღებდა. ახლა შეუმოწმებელი ხორცი იყიდება", - აღნიშნავენ ყასბები.