ბრიტანეთის საგრაფო ლანკაშირში მცხოვრებმა 5-მა მოსწავლემ სკოლა გადაწვა.
მოსწავლე ბიჭებმა, რომელთა ასაკიც 11-დან 15 წლამდე მერყეობს, კათოლიკურ კოლეჯს Leyland St Mary's Catholic Technology College-ს ცეცხლი წაუკიდეს. ხუთივე ბიჭი დაკავებულია. სკოლაში მოსწავლეები ზაფხულის არდადეგებიდან ხვალ უნდა დაბრუნებულიყვნენ.
სკოლა 1957 წელსაა აშენებული და შესაბამისად, ოთახებში ჭერზე ცეცხლსაქრობი სისტემა არ არის დამონტაჟებული. ამიტომ ცეცხლი შენობაში ადვილად გავრცელდა.
ადგილზე 20 სახანძრო მანქანა და 125 მეხანძრე მუშაობდა.
მომზადებულია dailymail.co.uk-ის მიხედვით.