ბრიტანული გამოცემა Daily Mail ჭიათურელ მაღაროელებს სტატიას უძღვნის. მაღაროელების რთულ და ზოგჯერ სიცოცხლისთვის სახიფათო საქმიანობას გამოცემის მთავარი გვერდი ეთმობა.
”18 საათიანი სამუშაოს შემდეგ, მაღაროელები ამ პაწაწინა "ლითონის კუბოებით" მგზავრობენ და საქართველოს ქალაქ ჭიათურას თავზე სახიფათო მარშუტს გადიან. 1950 წელს აშენებული სისტემა დღესაც კი ემსახურება მუშებს. ის მსოფლიოში ყველაზე უნიკალური საინჟინრო ტექნიკაა. 63 წლის შემდეგაც ეს საბაგიროები ოპერატიულად მუშაობს და 24 საათი ღიაა”, - წერია სტატიაში, სათაურით - "ჭიათურელი მაღაროელები სიცოცხლეს საბჭოთა საბაგიროებში რისკავენ".
სტატიის ავტორი აღნიშნავს, რომ ზოგიერთი ვაგონი უკვე დაჟანგულია - თუმცა, 17 მათგანი, მათ შორის პირველი საბჭოთა ტრამვაი კვლავ სერვისში რჩება.
მომზადებულია Daily Mail-ის მიხედვით.