"ნასას" მეცნიერები მთვარეზე ბოსტნეულსა და მცენარეებს დარგავენ, რათა შეამოწმონ, როდესმე იქ ადამიანი შეძლებს თუ არა ცხოვრებას.
კოსმოსში მეცნიერები სხვა მცენარეებთან ერთად რეჰანს და თალგამს დარგავენ. მცენარეთა თესლსა და ნერგებს მთვარის მტვრისგან სპეციალური კონტეინერებით დაიცავენ. მათ სპეციალური კამერებით დააკვირდებიან, მცენარეებისთვის წყალს მოიმარაგებენ. ექსპერიმენტი 2015 წელს განხორციელდება. მეცნიერებთან ერთად პროექტში სტუდენტებისა და მოხალისეების ჯგუფები არიან ჩართული.
"მეცნიერები მთვარის გარემოს შეისწავლიან. თუ მცენარეები გაიხარებენ, გამოდის, ადამიანიც შეძლებს იქ ცხოვრებას, რადგანაც ადამიანების მსგავსად მცენარეებსაც იგივე საჭიროებები აქვს - საჭმელი, სასმელი და ჰაერი", - ამბობს "ნასას" წარმომადგენელი.
მომზადებულია matzav.com-ის მიხედვით.