დედოფლისწყაროელი ხვიჩა ქოქუაშვილი მსოფლიო ჩემპიონი გახდა
თურქეთის ქალაქ ანტალიაში კიკბოქსინგში მსოფლიო ჩემპიონატი ჩატარდა, სადაც საქართველოს სახელით, 23 წლის ხვიჩა ქოქუაშვილი ასპარეზობდა. დედოფლისწყაროელმა სპორტსმენმა შეჯიბრზე მსოფლიო ჩემპიონის ტიტული მოიპოვა.
ქართველი სპორტსმენი 86 კგ წონით კატეგორიაში ასპარეზობდა. როგორც მწვრთნელმა თამაზ ყარაგვეზაშვილმა განაცხადა, ქოქუაშვილმა აშკარა უპირატესობით მოიგო ოთხი ბრძოლა, აქედან სამი ნოკაუტით.
"ქოქუაშვილმა დაამარცხა დანიელი, თურქი, ალჟირელი და ხორვატი სპორტსმენები და ის მსაჯებმა მსოფლიო ჩემპიონატის საუკეთესო ორთაბრძოლების ავტორად დაასახელეს. ეს მთელი საქართველოს უდიდესი წარმატებაა მსოფლიო სარბიელზე, რომელსაც დიდხანს ველოდით," - აღნიშნა სპორტული კლუბ "ჩემპიონის" მწვრთნელმა თამაზ ყარაგვეზაშვილმა.
კლუბმა "ჩემპიონმა" ჩემპიონატზე გამგზავრება დედოფლისწყაროს მუნიციპალიტეტის დაფინანსებით მოახერხა.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
