ზამთრის დღეებში სიმხნევე და ენერგია რომ შეინარჩუნოთ, ყურადღება უნდა მიაქციოთ საკუთარ რაციონს: ხორცი, ბევრი ბოსტნეული და ზღვის პროდუქტი იმუნიტეტს გაგიძლიერებთ და ორგანიზმს ენერგიით აავსებს. ამას დაუმატეთ მსუბუქი ვარჯიშიც, რომელიც შესანიშნავად ებრძვის სტრესს და პირველ მერცხლებს დაელოდეთ.
ზღვის ნობათი განსაკუთრებით მდიდარია იოდით და თუთიით. იოდი მნიშვნელოვან როლს თამაშობს ზრდისა და უჯრედების განახლების პროცესში. თუთია აუცილებელია სისხლის თეთრი ნაწილაკების გამომუშავებისათვის, რომელიც თავის მხრივ იმუნიტეტს აძლიერებს. ამგვარად, ორივე ელემენტი დაგეხმარებათ ზამთრის ინფექციებთან ბრძოლაში.
ზამთრის ბოსტნეულში შემავალი მინერალები და ვიტამინები იმუნიტეტსაც გაგიძლიერებთ და გაციებისგანაც დაგიცავთ. ერთ-ერთი ყველაზე სასარგებლო ამ მხრივ კომბოსტოა, რომელი სახეობისაც არ უნდა იყოს: თეთრი, ბრიუსელის, რომანესკო, ბროკოლი, ყვავილოვანი თუ წითელი. დამწნილებული კომბოსტოც ძალიან სასარგებლოა: მასში ბევრი ფერმენტი, C ვიტამინი, კალიუმი შედის.
ნუ იყიდით ზამთარში უგემურსა და ძვირ პამიდორს ან მარწყვს. გააკეთეთ ფსონი სეზონურ ხილსა და ბოსტნეულზე.