"ნაციონალების" წევრი გოგა ხაჩიძე Facebook-ზე პარლამენტის შენობის უკანა ეზოში გადაღებულ ფოტოებს ავრცელებს. მისი თქმით, შენობის უკან "არაპომპეზური" და "მომჭირნე" ხელისუფლების პირობებში, ძვირადღირებული სამშენებლო მასალა ილეწება.
"ეს, პარლამენტის უკანა ეზოა.
აი, ასე ყრია და ნადგურდება ძვირფასი ქონება, უუნარო, თუმცა "არაპომპეზური" და "მომჭირნე" ხელისუფლების ხელში.
კარგი, გასაგებია რომ პარლამენტის გადატანა გინდა, მაგრამ შე (რამ გამახსენა დათო ტურაშვილი) ოჯახ-აშენებულო, ეს ხომ ქონებაა, ფული ხომ გადახდილია, ხომ გვჭირდება?!...
ჯერ იყო და პარლამენტის წინა შესასვლელის ფილები დაიმსხვრა და განადგურდა მანქანების სიარულით, ახლა ეს ძვირფასი მასალა ილეწება", - წერს გოგა ხაჩიძე.