როდის გაქვთ შესაფერისი ასაკი ქორწინებისთვის, ზოდიაქოს ნიშნის მიხედვით?

როდის გაქვთ შესაფერისი ასაკი ქორწინებისთვის, ზოდიაქოს ნიშნის მიხედვით?

დაოჯახების საკითხს საკმაოდ საინტერესო ჰიპოთეზა წამოაყენა იმის თაობაზე, თუ კონკრეტულად რომელ ასაკში ჯობია ამა თუ იმ ზოდიაქოს ნიშნის წარმომადგენლებისთვის დაქორწინება. მოდი, ერთობლივად განვიხილოთ ეს სტატისტიკა

ვერძი

ვერძების დიდი ნაწილი ფეთქებადი და ტემპერამენტიანი ხალხია. ამიტომ მათ შორის ნაადრევი ქორწინების მსხვერპლთ საკმაოდ ხშირად ვხვდებით. რეალურად კი ასტროლოგები ვერძის ნიშნით დაბადებულ ადამიანებს 26-27 წლის შემდეგ ურჩევენ დაქორწინებას. ამ დროს მათი ცეცხლოვანი ხასიათი შედარებით შესუსტებულია ცხოვრებისეული გამოცდილებებით, რაც საშუალებას აძლევს ვერძს ოჯახი შეინარჩუნონ.

Astrologia

კურო

კურო ბუნებით მშვიდი, სტაბილური და წინდახედული ნიშანია. თუმცა, დაოჯახებას ყველა ამ თვისებებიდან გამომდინარე კუროები იშვიათად ჩქარობენ. ამიტომ ნაადრევად დაქორწინებულ წყვილებში კუროს ძალზე იშვიათად ვხვდებით. საქმე იმაშია, რომ ზოდიაქოს ამ ნიშნით დაბადებულები ყოველთვის რეალურად აფასებენ სიტუაციას და პასუხისმგებლობასაც სრული გაგებით ეკიდებიან. თუმცა, ასტროლოგები სწორედ ამ თვისებების გამო ურჩევენ კუროს ოჯახი 23-25 წლის შუალედში შექმნას. უფრო მეტიც, იგი შესაძლოა გაცილებით უფრო ადრეც იყოს მზად ამგვარი ტვირთის ასატანად.

Astrologia

ტყუპი

ტყუპი ჰაერის სტიქიის ნიშანია. ეს ხალხი ცვალებადი ხასიათითა და არაპროგნოზირებადი საქციელით გამოირჩევა. ამიტომ ტყუპს მაძიებელი ბუნებისა და მუდმივად სიახლეების სიყვარულის გამო ასტროლოგები გვიან ასაკში ურჩევენ ქორწინებას. თუმცა, ზოდიაქოს ამ ნიშნით დაბადებულებშიც ძალიან ხშირად გვხდებიან ისეთები, ვინც საკმაოდ ადრეულ ასაკში და სპონტანურად იღებს დაოჯახების გადაწყვეტილებას. თუმცა, ტყუპი განქორწინებასაც ზუსტად ასეთივე ზედაპირულობით ეკიდება, ამიტომ ამ ადამიანებისთვის ორი ან სულაც სამი ქორწინება ჩვეულებრივი ამბავია.

Astrologia

კირჩხიბი

კირჩხიბები ბუნებით ფრთხილი, დაკვირვებული და ემოციურად ძალზე მგრძნობიარე ტიპაჟები არიან. მათთვის დაოჯახების საკითხი ზოგადად ძალზე მნიშვნელოვანი და ერთ-ერთი უმთავრესი თემაა ცხოვრებაში. თუმცა გადამეტებული სიფრთხილისა და პრეტენზიულობის გამო, კიბო ქორწინებას ადრეულ წლებში იშვიათად ჩქარობს. სამაგიეროდ, ასტროლოგები კირჩხიბს ნებისმიერ ასაკში რთავენ ქორწინების ნებას. მთავარია, ამ ადამიანებმა მათთვის ემოციურად თავსებადი პარტნიორი იპოვონ, ოჯახის სიმყარეს კი კირჩხიბისთვის ასაკობრივი ცენზი იშვიათად განაპირობებს.

Astrologia

ლომი

ლომი ცეცხლოვანი ტემპერამენტის მქონე, ამბიციური და ეპატაჟური ნატურაა. ამიტომ ზოდიაქოს ამ ნიშნით დაბადებული ხალხი დიდ ყურადღებას აქცევს იმას, თუ რას ფიქრობენ მისი პერსონის შესახებ სხვები. საფიქრალი და საჭორაო კი ლომებზე მართლაც ბევრი აქვს საზოგადოებას. იმიტომ რომ ზოდიაქოს ამ ნიშნით დაბადებული ადამიანების ცხოვრებაში, როგორც წესი ბლომადაა მხურვალე რომანები და დაშორება-შერიგების ამაღელვებელი სცენები. რაც შეეხება ქორწინებისთვის ოპტიმალურ ასაკს, ასტროლოგების აზრით ლომს ნებისმიერ ასაკში აქვს ჰარმონიული ოჯახის შექმნის შანსი, თუკი მეუღლე მის მეფურ "გამოხტომებს" შეეგუება.

Astrologia

ქალწული

ის ალბათ ყველაზე პრეტენზიული და ფრთხილი ნიშანია ზოდიაქოს დანარჩენ წარმომადგენლებს შორის, რომელიც ქორწინების საკითხს და მომავალ პარტნიორს "გამადიდებელი შუშით" აკვირდება და პოტენციური პარტნიორის სტატუსი ხშირად სამუდამოდ რჩება "მომავალ დროში" განსახილველ თემად მისთვის. ქალწული უზომოდ ფრთხილი, რეალისტი და დაკვირვებული ინდივიდია. აქედან გამომდინარე, ასტროლოგები ამ ნიშნის წარმომადგენლებს ადრეულ ასაკში ქორწინებას ურჩევენ, მანამ სანამ მათ ხასიათში გადამეტებული კრიტიკულობა და პედანტიზმი მყარად გაიდგამს ფესვებს.

Astrologia

სასწორი

სასწორი ჰაერის სტიქიას განეკუთვნება. თუმცა, ასტროლოგები მიიჩნევენ, რომ იგი ყველაზე დაბალანსებულია ამ სტიქიის წარმომადგენლებს შორის. მაგრამ პრობლემური მხარეები მასაც აქვს და თანაც საკმაოდ ბევრი. დაოჯახება და ზოგადად პარტნიორის ყოლა, ნებისმიერი სასწორისთვის ყველაზე მნიშვნელოვანი და საჭირბოროტო საკითხია ცხოვრებაში. თუმცა თვისება, გამუდმებით შეეპაროს ეჭვი საკუთარი გადაწყვეტილების სისწორეში, ხშირად ხდება მიზეზი იმისა, რომ სასწორი რამდენჯერმე ქორწინდება. აქედან გამომდინარე, ასტროლოგები სასწორებს მყარი ნებისყოფის მქონე, მტკიცე ხასიათის პარტნიორის პოვნას ურჩევენ. ხოლო ასაკი თუ როდის გადაწყვეტს იგი დაოჯახებას, ასეთ შემთხვევაში უკვე მეორეხარისხოვანი იქნება.

Astrologia

მორიელი

მორიელი ემოციური, ვნებიანი და უზომოდ ექსპრესიული ხასიათის ტიპია. ამიტომ გასაკვირი არ არის ის ფაქტი, რომ ზოდიაქოს ამ ნიშნის წარმომადგენლები საპირისპირო სქესის მიმართ ინტერეს ძალიან ადრეული ასაკიდან ამჟღავნებენ. მართალია, ემოციურობის პარალელურად, მორიელს ძლიერი ნებისყოფა და თავშეკავების უნარიც გააჩნია, მაგრამ ასტროლოგები ზოდიაქოს ამ ნიშნით დაბადებულ ხალხს მაინც გვიან ასაკში ურჩევენ ოჯახის შექმნას.

Astrologia

მშვილდოსანი

თავგადასავლების მოყვარული, მუდმივად მოხეტიალე და დამოუკიდებელი ტიპაჟია. სასიყვარულო ავანტურებისა და მსუბუქი ფლირტის გარეშე ცხოვრება არ შეუძლია, მაგრამ როცა ჯერი ქორწინებაზე მიდგება უკიდურესობები ახასიათებს. ან დაუფიქრებლად იღებს გადაწყვეტილებას, რომელსაც შემდგომში აუცილებლად ინანებს და განქორწინებით დაასრულებს, ან მართლა საჭირო ადამიანს ჰკრავს ხელს მარტოოდენ იმის გამო, რომ საკუთარი თავისუფლება გაცილებით უფრო ძვირად უღირს. ასტროლოგები მშვილდოსანს ყველაზე არასაიმედოთა რიცხვში მოიხსენიებენ და ურჩევენ ოჯახი გვიან ასაკში შექმნას, ან სულაც სამოქალაქო ქორწინებით შემოიფარგლოს.

Astrologia

თხის რქა

თხის რქა სატურნის მმართველობაში მყოფი მიწის სტიქიის წარმომადგენელია. ამიტომ ამ ადამიანების ხასიათში ისეთი თვისებები სჭარბობს როგორიცაა – წინდახედულება, ცივი გონებით აზროვნების უნარი და მაქსიმალური სიფრთხილე. თხის რქა დაოჯახების საკითხსაც დიდი სიფრთხილით და გარკვეული შიშით ეკიდება. ამიტომ ნაადრევად დაქორწინებულ წყვილებს შორის ძალზე ცოტა თხის რქას ვხვდებით. სამაგიეროდ, თუკი მიიღო ზოდიაქოს ამ ნიშნის წარმომადგნელმა გადაწყვეტილება, ოჯახურ იდილიას იშვიათად ცვლის თავისუფლებაზე.

Astrologia

მერწყული

მერწყული ჰაერის სტიქიის ყველაზე ექსცენტრიკული, არაპროგნოზირებადი და კრეატიული წარმომადგენელია. ზოდიაქოს ამ ნიშნით დაბადებული ხალხი განსაკუთრებულ მიდრეკილებას არასოდეს ამჟღავნებს ოჯახის შექმნის მიმართ, აქედან გამომდინარე, მერწყულებს შორის ყველაზე ხშირად ვხვდებით ე.წ. "თავისუფალი ურთიერთობის" მომხრე ინდივიდებს. თუ მაინც კანონიერ ქორწინებაზე მიდგა საქმე, ასტროლოგები მერწყულს გვიან ასაკში ურჩევენ ამ ნაბიჯის გადადგმას.

Astrologia

თევზები

თევზები რბილი, ემოციური და თანამგრძნობი ბუნების ადამიანთა კატეგორიას განეკუთვნებიან. მათთვის ხშირად რთულია გადაწყვეტილების მიღებისას, თავი დააღწიონ გარშემო მყოფთა ზეგავლენას. ამიტომ თუკი ნაადრევად ქორწინებდა კიდეც თევზი, ეს ძირითადად პარტნიორის აქტიურობის შედეგი უფროა ვიდრე მისი. თუმცაღა ემოციური ბუნებისა და ცვალებადი ხასიათის გამო, რამდენად მყარი იქნება თევზისთვის ადრეულ ასაკში შექმნილი ოჯახი ეს უკვე სხვა საკითხია.

Astrologia

რო­გორ შევ­ხვდეთ 2020 წელს სწო­რად?

რო­გორ შევ­ხვდეთ 2020 წელს სწო­რად?

რო­გორ შევ­ხვდეთ 2020 წელს სწო­რად?