საყვარელი გასართობი მამაკაცისთვის ზოდიაქოს ნიშნის მიხედვით

იხიბლება თქვენი საყვარელი მამაკაცი, ხშირად ზოდიაქოს ნიშანიც განაპირობებს. აქედან გამომდინარე, გთავაზობთ იმ გატაცებათა სიას, რომელიც ამა თუ იმ ნიშნის წარმომადგენელ მამაკაცს გააჩნია და რომლის მეშვეობითაც მარტივად შეგიძლიათ მისი გულის მოგება...

ვერძი

ვერძს ომისა და ნგრევის პლანეტა მარსი მართავს, ამიტომ ზოდიაქოს ამ ნიშნით დაბადებული მამრის საყვარელი გასართობი ხშირად არის იარაღის კოლექციონერობა ან ნადირობა. თუმცა, არც მოტო-რბოლა და სპორტული მანქანები სტოვებს ვერძს გულგრილს.

კურო

მამაკაცი კურო სიმშვიდის და სტაბილურობის მოყვარულია. მას კარგად ესმის ხარისხის ფასი, ამიტომ იაფფასიანი ნივთებით არასოდეს ინტერესდება. კუროს საყვარელი "გასართობი" ძვირად ღირებული სასმელების კოლექციონერობა ან მებაღეობა შეიძლება იყოს.

ტყუპი

ტყუპი მამაკაცი მრავალმხრივი, ცვალებადი და არაპროგნოზირებადი ინდივიდია. ამიტომ ასეთ ხალხს ცხოვრებაში ათასგვარი სახის ინტერესი გააჩნია. თუმცა, ტყუპებისთვის ყველაზე საყვარელი გართობა მაინც ინტერნეტი, უახლესი ტექნიკის რეალობაში "დატესტვა" და აზარტული თამაშებია.

კირჩხიბი

მამაკაცი კირჩხიბი ბუნებით ტიპური "კოლექციონერია", კიბოს ზოგადად აქვს მიდრეკილება დამგროვებლობისკენ დაწყებული ნივთებით, დასრულებული სოლიდური ანგარიშით ბანკში იგი ყველაფერს აგროვებს და იმარაგებს "შავი დღისთვის", განსაკუთრებული სიამოვნებით კი კირჩხიბი მამაკაცი ანტიკვარიატს და ძველებურ ნივთებს აგროვებს, რომელიც მას წინაპრებისგან ერგო.

ლომი

ლომი მამაკაცისთვის საკუთარი იმიჯი ყველაზე მნიშვნელოვანი რამაა ამქვეყნად. ამიტომ ლომი დიდ ყურადღებას აქცევს არამხოლოდ იმას, თუ როგორ გამოიყურება თავად ვიზუალურად, არამედ იმასაც, თუ სად და რა ატმოსფეროში უხდება მას მუშაობა. აქედან გამომდინარე, ლომი მამაკაცის საყვარელი გასართობი ხშირად ძვირფასი და ორიგინალური დიზაინის მქონე სუვენირებია.

ქალწული

მამაკაცი ქალწული ყველაფერში ხარისხს ეძებს. მათ შორის ურთიერთობაში და, რაღა თქმა უნდა, ნივთებშიც. იგი დიდი ყურადღებით ეკიდება კვებისა და ჰიგიენის საკითხს, აქედან გამომდინარე, მისთვის საყვარელი საქმიანობა შეიძლება სხვადასხვა სახის ძვირფასი სუნამოს ან კოსმეტიკის კოლექციონერობა იყოს. მას ასევე მოსწონს ბრენდული სამოსისა და აქსესუარების შეძენა-დაგროვება.

სასწორი

სასწორი მამაკაცები ბუნებით ესთეტები და უჩვეულოდ გალანტური ტიპაჟები არიან. მათ უმრავლესობას ძალიან უყვარს ლამაზად და გემოვნებით ჩაცმა-დახურვა. ამიტომ სასწორის ყველაზე დიდი გატაცება ხშირად მოდური და ძვირფასი სამოსის კოლექციონერობაა. გარდა ამისა, მას არანაკლებ იზიდავს ხელოვნების ნიმუშები და ლამაზი საგნები.

მორიელი

მორიელის მთავარი სახასიათო შტრიხი ექსტრიმისა და მძაფრი შეგრძნებების სიყვარულია. აქედან გამომდინარე, მამაკაცი მორიელი ყველაზე ხშირად ძვირად ღირებული იარაღის კოლექციონერობით იხიბლება. გარდა ამისა, მას უდავოდ მოეწონება მოტოციკლით რბოლა და მანქანები, რომლითაც ის მაქსიმალური სიჩქარით შეძლებს გადაადგილება. კიდევ ერთი სუსტი წერტილი მორიელისთვის არის სათვალე, რომლის გარეშეც ბევრი მორიელი საერთოდ არ გადის სახლიდან.

მშვილდოსანი

მამაკაცი მშვილდოსანი ხეტიალის მოყვარული, ბავშვურად ოპტიმისტი და ლაღი ნატურაა. მას ძალიან იტაცებს სპორტული მანქანების კოლექციონერობა. გარდა ამისა, მოსწონს ცხოველები და ძალზე ხშირად ჰყავს კიდეც სახლში არა ერთი ან ორი, ერთბაშად რამდენიმე ჯიშის ძაღლი ან სულაც კარგი ცხენი.

თხის რქა

თხის რქები კარიერისტები, კონსერვატორები და ტრადიციის მოყვარული მამრები არიან. ამიტომ მათთვის საუკეთესო გასართობია ძვირფასი საოფისე ინვენტარის კოლექციონერობა. თხის რქა ასევე იხიბლება სოლიდური იმიჯის მქონე ავტომობილებით, რომელიც მის სტატუსს და თანამდებობას მაქსიმალურად უსვამს ხაზს.

მერწყული

მამაკაცი მერწყული ბუნებით კრეატივისტი, არასტანდარტულად მოაზროვნე და აბსოლუტურად არაპროგნოზირებადი ინდივიდია. ამ ხალხს ძალიან იზიდავს ტექნიკის სფეროს უახლესი მიღწევები, ამიტომ მერწყულების დიდი ნაწილი მონდომებით აგროვებს სხვადასხვა სახის კომპიუტერულ ტექნიკას, ბოლო მოდელის ტელეფონებს და ა.შ.

თევზები

თევზები რბილი, ხათრიანი და ჰარმონიის მოყვარული ნიშანია. ამ ადამიანებს ძალიან დიდი დოზით გააჩნიათ შემოქმედებითი პოტენციალი, მათ უმრავლესობას ძალიან უყვარს მუსიკა. ამიტომ თევზი მამაკაცის ყველაზე დიდი "გასართობი" შესაძლოა, სხვადასხვა შემსრულებლის უნიკალური დისკოგრაფიაც გახდეს.