7 სექტემბრის ასტროლოგიური პროგნოზი

ოთხშაბათი, მთვარის მეთორმეტე დღე დაიწყება 19:44-ზე, მთვარე 01:23-დან მერწყულში იქნება

თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; მოერიდეთ კუჭის გადატვირთვას. შეამცირეთ ალკოჰოლისა და სიგარეტის დოზაც. არ დაძაბოთ და გადაღალოთ თვალები.

ვერძი: საქმიანი შეხვედრებისა და გადაადგილების დღეა. იყავით ფრთხილი და დაკვირვებული, ყურადღებით მოისმინეთ რას ამბობს ოპონენტი. მეტი მზრუნველობა გმართებთ ოჯახის წევრების მიმართ.

კურო: ყველა მნიშვნელოვანი საქმე დღის პირველ ნახევარში დაგეგმეთ. გააუმჯობესეთ დამოკიდებულება გარშემო მყოფებთან. დღეს შეიძლება ერთმანეთზე განაწყენებული ადამიანები შეარიგოთ.

ტყუპი: რეალურად შეაფასეთ თქვენი შესაძლებლობები. არ გირჩევთ რთული მიზნების დასახვას. საღამოს შეხვდით მეგობრებს, საინტერესო ამბებსაც გაიგებთ და ახალი იდეებიც დაგებადებათ.

კირჩხიბი: მხოლოდ აუცილებელი საქმეები შეასრულეთ, ზედმეტ პასუხისმგებლობას საკუთარ თავზე ნუ აიღებთ. დიპლომატიურად იმოქმედეთ კოლეგებთანაც და ნათესავებთანაც.

ლომი: ახალი ვალდებულებს შესრულება ფულისა და ენერგიის ხარჯვას მოითხოვს. იყავით დაკვირვებული დეტალების მიმართ. მეტად იზრუნეთ საკუთარ ჯანმრთელობაზე. მოერიდეთ სტრესულ სიტუაციას, ემოციურობას.

ქალწული: მეტად გამოავლინეთ თქვენი საუკეთესო თვისებები, დახვეწილი მანერები, განსაკუთრებით უცხო გარემოში. ნუ ელოდებით, მადლიერებას გაწეულ სიკეთეზე. კარგი დღე გელით ხელოვნების სფეროს წარმომადგენლებს.

სასწორი: მოერიდეთ ზედმეტ გადაღლილობას. ინიციატივა გამოავლინეთ მხოლოდ იმ საქმეებში, რასაც იოლად გაართმევთ თავს. ნუ გაართულებთ დამოკიდებულებას გარშემო მყოფებთან. ოჯახის წევრებთანაც სიმშვიდე შეინარჩუნეთ.

მორიელი: მეტი პასუხისმგებლობა გმართებთ საქმეების მიმართ. ბევრ უსიამოვნებას აირიდებთ, თუ დაკვირვებით იმოქმედებთ; ყურადღებით მოისმენთ პარტნიორების მოსაზრებებს.

მშვილდოსანი: არ გირჩევთ გაირისკვას, განსაკუთრებით, თუ საქმე ფინანსების დაბანდებას ეხება. მოერიდეთ ისეთ ადამიანებთან ურთიერთობას, ვინც იოლი ფულის შოვნას გპირდებათ. ნუ შეილახავთ რეპუტაციას.

თხის რქა: დღე სასიამოვნოდ ჩაივლის, თუ არ დაისახავთ რთულ ვალდებულებებს და დატკბებით იმ შედეგით, რაც გაქვთ. გააუმჯობესეთ დამოკიდებულება საქმიან პარტნიორებთან, დაუმეგბრიდით მათ.

მერწყული: ობიექტურად შეაფასეთ თქვენი შესაძლებლობები და მოერიდეთ ძლიერ კონკურენტებთან გაჯიბრებას. უმჯობესია, მათთან მეგობრული დამოკიდებულება შეინარჩუნოთ. საღამოს ორიგინალური იდეები დაგებადებათ.

თევზები: ზედმეტ ვალდებულებას საკუთარ თავზე ნუ აიღებთ. ნუ გადაიღლებით ფიზიკურად, მხოლოდ აუცილებელი საქმეები შეასრულეთ. გამოავლინეთ დისციპლინა და პრაქტიკულობა; განსაკუთრებით, თუ საქმე ფულის ფლაგვას ეხება.