კარმული პროგრამები რახუ კირჩხიბი - ქეთუ თხის რქა

გადავწყვიტე დავიწყო ეტაპობრივი სტატიების ციკი, რომელშიც განვიხილავთ რახუსა და ქეთუს ოცდაოთხივე კომბინაციას. მათ შორის ვისაუბრებთ პროფესიულ შესაძლებლობებზე, ცხოვრებისეულ მისიასა და ხასიათის იმ თვისებებზე, რომელიც ნებისმიერმა ჩვენთაგანმა უნდა განავითაროს მთვარის კვანძების მიხედვით.

რახუ (აღმავალი კვანძი) კირჩხიბი – ქეთუ (დაღმავალი კვანძი) თხის რქა

მთავარი ინკარნაციული ლაიტმოტივი: სწორი აღქმა+კონცენტრაცია=მყარი ოჯახი, მტკიცე პარტნიორული ურთიერთობები.

სასურველია იზრუნოს – ოჯახის წევრების კეთილდღეობაზე, მშობლებზე. იქონიოს მყარი კავშირი საკუთარ ფესვებთან. გააცნობიეროს გენეტიკური ხაზი.

ეკრძალება – ოჯახური უთანხმოების გაღვივება, ინტრიგები. კარიერის გამო ოჯახზე უარის თქმა.

კარმული მისიაა : მყარი ოჯახი, საკუთარი გენეოლოგიის შესწავლა-დაფასება.

ადამიანები, რომელნიც ამგვარი მისიით იბადებიან, კარმულად ვალდებულნი არიან წინა ინკარნაციაში დაგროვილი ცოდნა და გამოცდილება მყარი ოჯახის შექმნას და მის დაცვა-განვითარებას მოახმარონ. მათი ვალია გაგრძელდნენ შთამომავლობაში, გააფართოვონ გენეტიკური შტო. იზრუნონ პატრიოტული სულისკვეთების ჩამოყალიბებაზე, ეროვნული ფასეულობების დაცვაზე. წინაპართა ღვაწლის შესწავლისა და გააზრების ხარჯზე კი თავადაც მოახდინონ პიროვნული ზრდა.

პროფესია:

1. ზოოლოგია

2. მეზღვაურობა

3. კომერცია-ვაჭრობა

4. ბოტანიკოსი

5. ისტორიკოსი

6. არქეოლოგი

6. კვების ტექნოლოგი

რამ შეიძლება შეგიშალოთ ხელი: ოჯახის შექმნის შიშმა. პრობლემებმა ოჯახში ან სამშობლოში. უახლოეს ნათესავებთან შეუთავსებლობამ. ინტრიგებმა.