ავტორი:

მარტის ასტროლოგიური პროგნოზი მამაკაცი და ქალი მორიელებისთვის

მარტის ასტროლოგიური პროგნოზი მამაკაცი და ქალი მორიელებისთვის

მიუხედავად იმისა, რომ გაზაფხული მოდის და რომანტიკული განწყობა იმატებს, სამსახურის საქმეებსა და საოჯახო ვალდებულებებს ვერსად გაექცევით. თუმცა, ნურც დასვენებას დაივიწყებთ. უმჯობესი იქნება, თუ დროს და საქმეებს გონივრულად გადაანაწილებთ. ნურც სადღესასწაულო წვეულებებს გამოაკლდებით. ზომიერება გმართებთ აზარტში. უმჯობესი იქნება, თუ საერთოდ დაივიწყებთ ამ მავნე ჩვევას, თორემ ან უფულოდ დარჩებით, ან ვალებში გადავარდებით. მარტში რადიკალური ცვლილებები არ გელით, მაგრამ პატარ-პატარა ნაბიჯები უკვე შეგიძლიათ გადადგათ.

სწავლა, ბიზნესი, კონტაქტები

მთელი თვის განმავლობა და განსაკუთრებით პირველ დეკადაში მოგიწევთ ახლობლების, კოლეგების დახმარება. ხან რჩევით, ხან ფულით და ხანაც ფიზიკურად. თავიდანვე ყურადღებით იყავით, რომ სხვების გამო საკუთარი საქმეები არ გაგიფუჭდეთ. მარტი კარგი თვეა პირადი ბიზნესის გასავითარებლად. ზოგიერთი შეიძლება უძრავი ქონების, სარემონტო სამუშაობის ბიზნესში ჩაერთოს. სამსახურში ავტორიტეტს აიმაღლებთ, - უფროსობაც დაგაფასებთ და პარტნიორებიც. თუ მოინდომებთ, დაწინაურდებით კიდეც. გაგიუმჯობესდებათ მატერიალური მდგომარეობა და ფული შეიძლება ჰობიმ მოგიტანოთ. ფინანსების ხარჯვა კი საყოფაცხოვრებო საკითხების მოსაგვარებლად დაგჭირდებათ. არ გირჩევთ ფულის გართობაზე, აზარტზე დახარჯვას.

ფული და სიყვარული

დაოჯახებულების ცხოვრებაში მშვიდი, ჰარმონიული პერიოდი დაისადგურებს. კარგი იქნება, თუ მეტ დროს გაატარებთ ერთად, იქნებით მოსიყვარულე და მზრუნველი საყვარელი ადამიანის მიმართ. გაიუმჯობესეთ საოჯახო პირობები. შეყვარებულები ნუ იქნებით ეჭვიანები და ჯიუტები, წინააღმდეგ შემთხვევაში მარტო დარჩენა გემუქრებათ. არც ახალგაცნობილთან გირჩევთ ზედმეტად დაახლოებას. უმჯობესია, თქვენებურ დაკვირვებასა და გაანალიზებას დაუთმოთ მეტი დრო.

ჯანმრთელობა

მოგემატებათ პოზიტიური განწყობა. იზრუნეთ განწყობის, იმუნიტეტის ამაღლებაზე. გაიუმჯობესეთ კვებისა და ძილის რეჟიმი. აი, ფიზიკური აქტიურობა კი ზომიერად გმართებთ; მომატებულია ტრავმების ალბათობა. მოერიდეთ ალკოჰოლის მიღებას. კარგი იქნება, თუ ჩაიტარებთ მასაჟის კურსს.

2 მარტის შემდეგ მოგინდებათ მხიარულ და კულტურულ წვეულებებზე დასწრება, აგრეთვე, ჰობის განვითარება. მეტი დრო დაუთმეთ იმ საქმიანობას, რაც სიამოვნებას განიჭებთ. მან შეიძლება შემოსავლის დამატებითი წყაროც კი გაგიჩინოთ.

18 მარტის შემდეგ რთულ საკითხებსაც კი იოლად მოაგვარებთ. მთავარია, მოინდომოთ და სიზარმაცემ არ დაგძლიოთ. გახშირდება მეგობრებთან და ნათესავებთან შეხვედრები. გააუმჯობესებთ დამოკიდებულებას საქმიან პარტნიორებთანაც. გაფრთხილდით, რომ არაფერი დაკარგოთ.