ასტროლოგია და პროფესია - მუსიკალური მონაცემები

განსაკუთრებული მუსიკალური შესაძლებლობებით ყველაზე მეტად თევზები, სასწორი, კირჩხიბი და ტყუპი გამოირჩევიან. კომპოზიტორებს შორის კი ამ ჩამონათვალს მერწყული და კუროც ემატება. ეს იმიტომ, რომ კუროს ზოდიაქო აძლევს მუსიკას ვიბრაციას და ფორმას. ხოლო მუსიკათმცოდნეებსა და ამ დარგის უბადლო კრიტიკოსებს შორის მორიელებ ი ლიდერობენ.

ზოგადად მუსიკოსისთვის საუკეთესო სტიქიების კომბინაციაა წყალი-ჰაერი.

მეტ-ნაკლებად წარმატებულია წყალი-ცეცხლი და ცეცხლი-წყლის კომბინაციაც.

რაც შეეხება მიწის სტიქიას, კარგი მუსიკოსისთვის უმჯობესია თუ ეს კონკრეტული სტიქია, ნაკლებად იქნება მის კოსმოგრამაში გამოვლენილი. იმიტომ რომ მიწის სტიქია ასე ვთქვათ "ახშობს" ყოველგვარი სახის მუსიკალურ შესაძლებლობებს.

ძალიან ეხმარება ადამიანს მუსიკალური ტალანტის გამოვლენაში პლანეტა ვენერას მდებარეობა ასცედენტზე ან ასცედენტთან ახლოს. კერძოდ, ნეპტუნისა და ვენერას შეერთება ასცედენტზე ან ნეპტუნის ნებისმიერი ასპექტი ასცედენტთან მიმართებაში. ხოლო თუ შეერთება ნეპტუნსა და მარსს შორის ხდება ზემოთ ხსენებულ ასცედენტზე, ამგვარი ადამიანი პატარა ასაკიდანვე ჭეშმარიტი ფანატიკოსი და გამორჩეული მელომანი იქნება, რომელსაც დიდი შანსი აქვს მომავალში თავადვე გახდეს ცნობილი შემსრულებელი.

საიმისოდ რომ ადამიანის მუსიკალური კარიერა შედგეს ასევე აუცილებელია გააქტიურებული იყოს 3, 2, 11 და 7 სახლები.

თუმცა, თუკი როკ-მომღერლებისა და რეპერების სიას გადავავლებთ თვალს მათ შორის თევზები – კურტ კობეინი , სასწორები –  ემინემი და ვერძები – სტივენ ტაილერი ლიდერობენ.

მუსიკალური კარიერის მქონე ადამიანებს (ძირითადად კომპოზიტორებს) პირველ ადგილზე პირად კოსმოგრამაში სიძლიერით,  პლანეტა ნეპტუნი უნდა ჰქონდეთ, შემდგომ ამისა მთვარე, ვენერა, მზე და პლუტონი.

რაც შეეხებათ უშუალოდ ვოკალისტებსა და სოლო-შემსრულებლებს, მათ  პლანეტების ჩამონათვალი იგივე აქვთ, ოღონდ მზის ნაცვლად აქ მერკურის თვისებებია საჭირო. ეს იმიტომ რომ მერკური მასასთან კომუნიკაციის უნარზეა პასუხისმგებელი, რაც დამეთანხმებით ნებისმიერი შემსრულებლისთვის პირველხარისხოვანია.

ასევე აუცილებელია ისიც, რომ მუსიკოსების და კომპოზიტორების რუკაში შედარებით სუსტად იყოს გამოვლენილი იუპიტერი, სატურნი, პროზერპინა და მარსი. ხოლო შემსრულებლის შემთხვევაში ყველაზე დაბალანსებული მარსი უნდა იყოს – საუკეთესო ვარიანტია მარსი მეექვსე სახლში.

დაბოლოს, გთავაზობთ ცნობილი მუსიკოსებისა და შემსრულებლების მოკლე ჩამონათვალს ზოდიაქოს ნიშნების მიხედვით:

ცნობილი ვერძი – სტივენ ტაილერი, სელინ დიონი;

ცნობილი კურო – ბარბარა სტრეიზანდი;

ცნობილი ტყუპი – მეთიუ ბალემი;

ცნობილი კირჩხიბი – კარლოს სანტანა, ჯორჯ მაიკლი;

ცნობილი ლომი – მიკ ჯაგერი, ჯეიმს ჰეტფილდი;

ცნობილი ქალწული – ბარი უაითი, მაიქლ ჯექსონი;

ცნობილი სასწორი – ემინემი, აშერი, ჯონ ლენონი, სტინგი, კრის ბოტი;

ცნობილი მორიელი – ბიორკი, კეტი პერი, პაფ დედი;

ცნობილი მშვილდოსანი – ოზი ოზბორნი. ჯიმ მორისონი;

ცნობილი თხის რქა – მერილინ მენსონი, ჯენის ჯოპლინი, ლარა ფაბიანი;

ცნობილი მერწყული – აქსლ როსი, ჯასტინ ტიმბერლეიქი, სეზარია ევორა;

ცნობილი თევზები – კურტ კობეინი, Maroon 5 სოლისტი ადამ ლევინი, რონან კიტინგი.