კელტური ჰოროსკოპი - გედი 2 სექტემბერი / 29 სექტემბერი

დასავლეთ და ცენტრალურ ევროპაში განსაკუთრებული ადათ-წესები, რწმენის საფუძვლები და ტრადიციები გააჩნდათ. კელტები ერთ-ერთ ყველაზე უშიშარ და მებრძოლ ხალხს წარმოადგენდნენ. მიჩნეულია, რომ მათ უმრავლესობას განსაკუთრებული ეზოთერული ცოდნა, ნიჭი და უნარები გააჩნდა. ჩვენამდე მოაღწია კელტების მიერ შედგენილმა ძალზე საინტერესო ჰოროსკოპმა, რომელიც ე.წ. "ტოტემებს", დაბადების თარიღის მიხედვით ცხოველთა ჩამონათვალს აერთიანებს. ძველ კელტებს მიაჩნდათ, რომ ადამიანს საკუთარ ტოტემთან განსაკუთრებული მსგავსება ახასიათებს. დღეიდან სტატიების ციკლში, წარმოგიდგენთ თითოეულ მათგანს:

გედი

2 სექტემბერი / 29 სექტემბერი

მმართველი პლანეტა ვენერა

მისი ქვა – ზურმუხტი

ხასიათის დადებითი მხარეები: გახსნილობა, კომუნიკაბელური ხასიათი, სილამაზის აღქმის უნარი, დახვეწილი გემოვნება, სულის სიძლიერე.

გედის ტოტემით დაბადებული ადამიანები, გასაოცარ ესთეტიზმს, ნატიფ გემოვნებასა და მომხიბვლელ ვიზუალს ფლობენ. მათ უმრავლესობას ცხოვრების მიმართ მსუბუქი, პოზიტიური და მარტივი დამოკიდებულება გააჩნია. ამ ადამიანს უყვარს ცხოვრება, პატივს სცემს გარშემო მყოფთა სურვილებს და ანგარიშს უწევს მათ. შემთხვევითი როდია, რომ ძალზე ხშირად გედები პროფესიულ სარბიელად სახელოვნებო სფროებს ირჩევენ. მათ გასაოცარი გარდასახვის ნიჭი და დახვეწილი მანერები გააჩნიათ.