როგორი იქნება ოქტომბერი ზოდიაქოს ნიშნებისთვის

შევა ძალაში. ვფიქრობ, უპრიანი იქნება ნებისმიერი ზოდიაქოს ნიშნის წარმომადგენლისთვის გაეცნოს იმ ძირითად ტენდენციებს, რომლითაც დატვირთული იქნება მისთვის ოქტომბერი.

ვერძების დიდ ნაწილს ოქტომბერი გარკვეული სამოქმედო გეგმის შემუშავებას მოსთხოვს. ეს შეეხება როგორც პირად ცხოვრებას, ისე ფინანსებსა და ოჯახის წევრებთან ურთიერთობას. მოკლედ, დაარქვით ყველაფერს თავისი სახელი და ცხოვრება გაცილებით უფრო სტაბილური გახდება.

კუროს ზოდიაქოს ნიშნით დაბადებულებს ოქტომბერი ამოსუნთქვისა და დასვენების საშუალებას მისცემს. უფრო მეტიც, საკმაოდ ბევრი თავისუფალი დრო და ფანტაზია გაგიჩნდებათ საიმისოდ, თუ როგორ გაიხალისოთ ცხოვრება, შეიცვალოთ ვარცხნილობა ან სულაც გადაახალისოთ თქვენი გარდერობი.

ტყუპი ოქტომბერში რეალურ შანსებს მიიღებენ საიმისოდ, რომ საკუთარი ცხოვრება რადიკალურად შეცვალონ. პირველ რიგში კი ეს ცვლილებები სამუშაო სფეროს შეეხება. თუმცა, ყველაფერი მაინც თავად ამ ადამიანების აქტიურობასა და მონდომებაზე იქნება დამოკიდებული.

კირჩხიბის ნიშნით დაბადებულები პირადი პოპულარობის ზრდას უნდა ელოდონ ოქტომბრის თვეში. სასურველია დაივიწყოთ თქვენი ზოდიაქოს ნიშნისთვის დამახასიათებელი მორცხვობა და აქტიურად დააფიქსიროთ საკუთარი პოზიცია იქნება ეს პირადი, თუ ბიზნესსპექტრი.

ლომის ზოდიაქოს ნიშნით დაბადებულებისთვის ოქტომბერი ბობოქარი და დინამიკური იქნება. თქვენი პიროვნება შესაძლოა საყოველთაო ჭორებისა და სკანდალების ეპიცენტრშიც კი მოექცეს მოულოდნელად, ასე რომ ნუ გაგიკვირდებათ და თავი მეფურად გეჭიროთ, როგორც ყოველთვის.

ქალწულების დიდი ნაწილი, როგორც იქნა, მოიცლის გასართობად. ოქტომბერი ამ მხრივ მსუბუქი და თავბრუდამხვევი თვე იქნება. არ არის გამორიცხული გააბათ რომანტიკული ნაცნობობა ან აღადგინოთ კონტაქტი ყოფილებთან.

სასწორების უმეტესობას ოქტომბრის თვე არაერთ მნიშვნელოვან სიურპრიზს ჰპირდება. თუმცა, ამ მხივ სიტუაციას მათი მხრიდანაც დასჭირდება გამოყენება და ხელშეწყობა. ყურადღებით მოეკიდეთ ნებისმიერ ახალ წამოწყებას, ან სულაც საკუთარი ჰობი აქციეთ შემოსავლის წყაროდ.

მორიელების დიდი ნაწილისთვის ოქტომბერი ემოციურად ცოტა რთული იქნება, იმიტომ რომ ამა თუ იმ სფეროში ბევრ მორიელს გაუჭირდება არჩევანის გაკეთება. თუმცა, შესაძლებლობები ზოდიაქოს ამ ნიშნისთვის ოქტომბერში საკმარისზე მეტი იქნება. ამიტომ მაქსიმალური მობილიზაცია მორიელებო!

მშვილდოსნები ოქტომბერს თავგადასავლების ძიებაში გაატარებენ. ბევრ მათგანს გაუჭირდება გრძნობების გონებით კონტროლირება. თუმცა, ვარსკვლავები გირჩევენ, აუცილებლად მისცეთ გარკვეული ფორმა და სისტემატიზაცია საკუთარ მიზნებს. წინააღმდეგ შემთხვევაში უკვე ნოემბერი ერთობ რთული იქნება.

თხის რქებისთვის ოქტომბერი პროფესიული წარმატებებით მოდის. მოსალოდნელია სერიოზული კონტრაქტების გაფორმება, ახალ სამსახურში გადაბარგება ან ფინანსური მოგება. ერთადერთი, რაც ამ თვეში მოგეთხოვებათ, თქვენთვის დამახასიათებელი სიჯიუტის მოთოკვა იქნება. ვარსკვლავები მკაცრად გაფრთხილებენ - არ შეხვიდეთ კონფლიქტში!

მერწყულებს ოქტომბერში საკუთარი ფინანსური მდგომარეობის "რევიზია" ევალებათ. დიდი სიფრთხილით მოეკიდეთ ასევე ყიდვა-გაყიდვისა და ინვესტირების საკითხს. კარგი თვეა სწავლისთვის ან კვალიფიკაციის ასამაღლებლად. პირად ურთიერთობაში კი აუცილებელია ერთხელ და სამუდამოდ დაასრულოთ არაფრის მომცემი კავშირები.

თევზების დიდი ნაწილი ოქტომბერში დაუძლეველ სურვილს იგრძნობს გაექცეს რუტინას. სასურველია წამოიწყოთ ახალი ჰობი, დაკავდეთ სპორტით ან ცეკვებით. ახალი გატაცება თქვენს განწყობასაც აამაღლებს და სავსებით შესაძლებელია მომავალში მოგცეთ ასევე ფულადი მოგება.