დაბადებული 26 აგვისტოს

. აგვისტო ზაფხულის ბოლო თვეა და ერთ-ერთია იმ შვიდ თვეს შორის რომელიც 31 რიცხვით გადის. ძველი სლავები ამბობენ: "რასაც აგვისტო ამზადებს, სექტემბერი იმით სუფრას გაშლისო". ამიტომ შემთხვევითი არაა ის ფაქტი, რომ ადამიანების დიდი ნაწილი სწორედ აგვისტოს თვეში აკეთებს განვლილი წლის "აღწერას" და სექტემბერს ახლებური ენერგიით ეგებება. ასტროლოგიურად აგვისტოს თვე, ორ ერთმანეთისგან რადიკალურად განსხვავებულ ზოდიაქოს ნიშანს – ლომსა და ქალწულს აერთიანებს. ლომის სიფიცხე და ექსპანსიურობა, ქალწულის პრაგმატულ აზროვნებასთან და გაწონასწორებულ ხასიათთან სრულ დისონანსს ქმნის. თუმცა ხშირად, ორივე ზოდიაქოს ნიშნის წარმომადგენელთა პირად რუკებში ვხვდებით ერთმანეთის გავლენას. ამიტომ იშვიათი არ არის, რომ ლომი ქალწულისთვის დამახასიათებელ ცივ და ანგარიშიან გონებას ფლობს, ქალწული კი ლომურ შარმსა და არისტოკრატიულ მანერებს.

დაბადებული 26 აგვისტოს

26 აგვისტოს დაბადებული ადამიანები, ბუნებით კოლექტივისტები და გუნდური მოთამაშეები არიან. ამიტომ ისინი ყოველთვის ცდილობენ, ნებისმიერი საქმე პარტნიორულ ნიადაგზე აკეთონ და ნაკლებად აიღონ საკუთარ თავზე ლიდერის ფუნქციები და პასუხისმგებლობა. თუმცაღა მათი პროფესიონალიზმი და საქმისადმი კეთილსინდისიერი დამოკიდებულება, ხშირად ხდება იმის საწინდარი, რომ ეს ადამიანები საკმაოდ მაღალ თანამდებობრივ პოსტებს იკავებენ და პატივისცემით სარგებლობენ საზოგადოებაში.