ვერძი

თქვენი სპორტის სახეობა ბოქსია. ის დაგეხმარებათ არა მარტო წონის კონტროლში, არამედ ენერგიის სწორად გადანაწილებას გასწავლით. თქვენს ძლიერ სულს ძლიერი სხეული სჭირდება, რომ ყველა მიზანს მიაღწიოს.

კურო

თქვენ იოგასთვის ხართ დაბადებული. იოგა მხოლოდ წონაში კი არ დაგაკლებინებთ, სასურველ სულიერ ჰარმონიას მოგანიჭებთ და შინაგან ბალანსამდე მიგიყვანთ.

ტყუპი

ირბინეთ, ენერგიის დახარჯვა გჭირდებათ. ამ ნიშნით დაბადებული ადამიანი, რომელიც ბოლო დროს ძალიან მოდუნდა, გააქტიურდება, გაუმჯობესდება მისი ცხოვრების სტილი, განწყობა და, რაც მთავარია, დაიკლებს წონაში.

კირჩხიბი

წყალი თქვენი სტიქიაა. უნდა იცუროთ. ცურვისას დაგილაგდებათ არეული აზრები, მიაღწევთ სულიერ სიმშვიდეს, დაისახავთ მიზნებს, მოიგვარებთ ხერხემალის პრობლემას, გააქტიურებთ კუნთოვან სისტემას და  მოიშორებთ ზედმეტ კილოგრამებს.

ლომი

სცადეთ გუნდური თამაში, ფრენბურთი. მასში შეძლებთ, ერთი მხრივ, ლიდერული უნარ-ჩვევების გამოვლენას, მეორე მხრივ, თამაში დაგეხმარებათ გააცნობიეროთ, რომ დედამიწა თქვენ გარშემო არ ბრუნავს. მიხვდებით რაოდენ მნიშვნელოვანია სხვათა ქმედება და აზრი. ბოლოს კი, არანაკლებ მნიშვნელოვანი, ბრწყინვალე ფიგურას დაიყენებთ.

ქალწული

ჩოგბურთის კორტი გეგულებათ სადმე? თუ კი, აუცილებლად ეწვიეთ; თუ - არა, გაიკითხეთ, მოძებნეთ ინტერნეტის დახმარებით. თქვენს სხეულს,  ძველი ფორმის დასაბრუნებლად, სწორედ ჩოგბურთი სჭირდება.

სასწორი

იცეკვეთ! ასე გამხიარულდებით და კალორიებს დაწვავთ. თუ ცოტათი ზარმაცდებით,

როცა საქმე ფიზიკურ აქტივობას ეხება, ჩაეწერეთ რაიმე ჯგუფში, სადაც მასწავლებელი ან ინსტრუქტორი მოძრაობას გაიძულებთ.

მორიელი

თქვენთვის ზედგამოჭრილია საბრძოლო ხელოვნება. ამ გზით თავსაც დაიცავთ, სუსტებსაც

უპატრონებთ, შესაშურ ფიგურას დაიყენებთ და, რაოდენ გასაოცარიც არ უნდა იყოს, სულიერ ძალასაც  შეიძენთ.

მშვილდოსანი

ინათხოვრეთ ან იქირავეთ ველოსიპედი და ისეირნეთ ყოველ საღამოს. დაიწყეთ 30 წუთით. გაზარდეთ ხანგრძლივობა 2 საათამდე.

თხის რქა

გორგოლაჭები და სკეიტბორდი გიცდიათ? არ თქვათ, რომ უკვე გაიზარდეთ! ახალგაზრდული, უდარდელი მხიარულება, სწორედ ეს აკლია თქვენს ცხოვრებას. გეძლევათ შანსი გაერთოთ და დაიკლოთ!

მერწყული

დაკავდით სნოუბორდითა და თხილამურებზე სრიალით. მაქსიმალურად გამოიყენეთ ზამთარი!

თევზები

თქვენ და ვარჯიში? წადით, შეჭამეთ და წაუძინეთ. ვიხუმრეთ, ვიხუმრეთ, რა თქმა უნდა... კარგი იქნება, თუ აერობიკა გაგიტაცებთ!