TOP სამი შემოქმედებითი ნიჭით დაჯილდოებული ბავშვი ზოდიაქოს ნიშნის მიხედვით

ბევრ ბავშვს მოსწონს ფერადი ფანქრებით ხატვა, ოჯახის წევრების წინაშე ცეკვა, ლექსების თქმა და სიმღერა. ხშირად მშობლები მცდარ გადაწყვეტილებას იღებენ და მიაჩნიათ, რომ მათი შვილი მომავალი მომღერალი ან მსახიობი იქნება რაკი პატარაობისას მსგავსი საქმიანობა ეიოლება. თუმცა, გადის დრო და გატაცება გატაცებად რჩება. ასტროლოგები თვლიან, რომ არსებობენ კონკრეტული ზოდიაქოს ნიშნები ვისშიც შემოქმედებითი ტალანტი ჩანსახშივეა მკვეთრად გამოკვეთილი. ამიტომ, თუკი თქვენი პატარა ქვემოთ მოყვანილ ნიშნებს შორის მოიძიეთ, იცოდეთ, რომ მის ნიჭს მართლაც, რომ დიდი ხელშეწყობა ესაჭიროება...

ლომი - ლომები "მზის შვილები" არიან და პატარა ასაკიდანვე თავი ისე უჭირავთ, როგორც ჭეშმარიტ მეფეებს ან დედოფლებს. ამ ზოდიაქოს ნიშნით დაბადებულ ბავშვს კარგი არტისტული მონაცემები აქვს. შესაძლოა, მღეროდეს ან ცეკვავდეს კიდეც იდეალურად. მას უდავოდ მოეწონება თეატრალურ სტუდიაში ყოფნა, სადაც საკუთარ ტალანტს კიდევ უფრო მეტად გამოავლენს და დახვეწავს. ერთადერთი, რაც მას აუცილებლად უნდა აუხსნათ არის ის, რომ ზედმეტი ამბიციების გამო მასზე სუსტებს არასოდეს მიაყენოს წყენა.

სასწორი - ჰარმონიის მოყვარული ინდივიდია. ყველაფერში სილამაზეს ამჩნევს და ხედავს. არ გაგიკვირდეთ, რომ ბავშვობიდან დაიწყოს ტანსაცმლის საკუთარი გემოვნებით ამორჩევა და თქვენს მითითებებს არ დაემორჩილოს ამ მხრივ. მისგან შესანიშნავი მოდის დიზაინერი, მხატვარი ან მოქანდაკე დადგება. მთავარია, ასწავლოთ სწორი არჩევანის გაკეთება, რისი უნარიც სასწორებს ყველაზე ნაკლებად აქვთ ხასიათში გამოკვეთილი.

თევზები - დაბადებიდან მსახიობია, გარდასახვის ნიჭი და მკვეთრი შემოქმედებითი აღქმა, რომლითაც პატარა თევზი სამყაროს დიდი თვალებით უცქერს თქვენს შვილში ჭეშმარიტ ხელოვანს აყალიბებს. მას მოსწონს თეატრის, კინოს, მხატვრობის ლამაზ სამყაროში ცხოვრება. ასწავლეთ მას ფერწერა, ატარეთ თეატრალურ წრეზე ან შეუმოწმეთ ხმა და სმენა. მისგან შესაძლოა არამხოლოდ კარგი ხელოვანი, უფრო კარგი ხელოვნების შემფასებელი დადგეს ლიტერატურის კრიტიკოსოს ან ხელოვნებათმცოდნის სახით.