ზოდიაქოს 5 ნიშანი, რომლებიც სომელიეს არაფრით ჩამოუვარდებიან, ღვინის დაგემოვნებისას + შესაფერისი ღვინო

ვერძი - ნარინჯისფერი ღვინო

როგორია ნარინჯისფერი ღვინო? მისი დასახელებაც კი სადავოა. ქართველი მეღვინეები მას ქარვის ღვინოს უწოდებენ, რაც უფრო ზუსტად შეესაბამება ღვინის ფერს. როგორც არ უნდა ვუწოდოთ მას, ნარინჯისფერი თუ ქარვის, ის თეთრი ღვინოა. წითელი ღვინის დაყენების ტექნოლოგიის მსგავსად, ქარვისფერი ღვინოც ფერმენტაციის პროცესს დაჭყლეტის შემდეგ ყურძნის მარცვალზე შენარჩუნებული ყურძნის კანით გადის, რაც ღვინოს ქარვისფერ შეფერილობას აძლევს. ღვინის დაყენების ტრადიციული ქართული მეთოდი, რამდენიმე თვის განმავლობაში მის ქვევრში, მიწაში დაფლულ თიხის ჭურჭელში დაძველებას გულისხმობს

კურო - წითელი ღვინო

წითელი ღვინო კარგია წყლულის დროს. მასში შემავალი მთრიმლავი ნივთიერებები ხელს უწყობს წყლულის სწრაფად შეხორცებას. წითელი მშრალი ღვინის მოხმარებას შეუძლია სმენის დაკარგვის თავიდან აცილება. წითელი ღვინო იცავს კბილების ემალს, მასში შემავალი პროანტოციანიდების შემცვლელობის გამო, ბაქტერიები (მათ შორის, სტრეპტოკოკები) კბილებზე ვერ ჩერდებიან. ამიტომ წითელი ღვინის რეგულარულად მომხმარებლებს ნაკლებად ემართებათ კარიესი. წითელი ღვინის მცირე რაოდენობა ამცირებს თირკმელებში ქვების წარმოქმნის რისკს და გააჩნია ტკბილი დაგაზული სასმელების საწინააღმდეგო ეფექტი, რომლებიც იწვევს თირკმელებში ქვების დაგროვებას.

ლომი - ცქრიალა ღვინო

ცქრიალა ღვინოს მთელ მსოფლიოში შამპანურს უწოებენ, თუმცა საფრანგეთში, შამპანის რეგიონის მიღმა წარმოებული ღვინის ბოთლზე ამ ტერმინის დაწერა აკრძალულია. სიტყვა "შამპანური" შამპანის პროვინციიდან წარმოიშვა, სადაც მეღვინეობას მესამე საუკუნიდან მისდევდნენ. შამპანში დაწურული ღვინო ოდნავ შუშხუნა იყო და ხილის გემო დაჰკრავდა, მაგრამ ერთი ნაკლი ჰქონდა: კასრებს აფეთქებდა. გადმოცემის თანახმად, პირველი, ვინც ეს ღვინო დააყენა, იყო ბერი დონ პერინიონი, რომელიც მეჩვიდმეტე საუკუნეში ცხოვრობდა. მან შეიმუშავა კუპაჟის მეთოდი და ღვინო ბოთლებში ჩამოასხა, რამაც შესაძლებელი გახადა ნახშირორჟანგის უფრო მეტხანს შენარჩუნება, ვიდრე ეს კასრში იყო შესაძლებელი.

თხის რქა - თეთრი ღვინო

ექიმების დასკვნით, მიუხედავად იმისა, რომ თეთრი ღვინო მცირე რაოდენობით ანტიოქსიდანტებს შეიცავს, უკეთ შეიწოვება, ვიდრე წითელი ღვინო, რადგან მისი ანტიოქსიდანტები უფრო მცირე ზომისაა. თეთრი ღვინის სასარგებლო თვისებებია: აძლიერებს მადას; ხელს უწყობს კუჭის წვენის გამოყოფას და კუჭის ნორმალური მჟავიანობის შენარჩუნებას; აფართოვებს სისხლძარღვებს; აძლიერებს ენდოკრინული ჯირკვლების სეკრეციას; ანადგურებს ბაცილებს კუჭ-ნაწლავში; იცავს გულის კუნთს.

მერწყული - ბიოდინამიკური ღვინო

ბიოდინამიკური მეღვინეობა და ზოგადად, ბიოდინამიკური სოფლის მეურნეობა ავსტრიელი ფილოსოფოსის, რუდოლფ შტაინერის (1861-1925) შრომებს ეფუძნება. იმ დროიდან მოყოლებული ის საკმაო პოპულარობით სარგებლობს. ბიოდინამიკური მიდგომები ბოლო წლების განმავლობაში მეღვინეობა-მევენახეობაში ფართოდ იკიდებს ფეხს. ბიოდინამიკის პრინციპებიდან გამომდინარე ბიოდინამიკური მეღვინეობაც ბუნებრივი პროცესების, კერძოდ კი ეკოსისტემის მაქსიმალურ დაცვას გულისხმობს. ბიოდინამიკური ღვინის წარმოებისას მნიშვნელოვანია არ დაირღვეს ბუნებრივი წონასწორობა, რომელიც ვენახში, ყურძენში, მოგვიანებით კი ღვინოში ყალიბდება. საყურადღებოა, რომ ნებადართული ოპერაციები და ნივთიერებები ასოციაციების მიხედვით განსხვავდება, მაგრამ მათ უმრავლესობაში დაუშვებელია: კულტურული ანუ გარეშე საფუვრის, ასევე რძემჟავა ბაქტერიების დამატება ტკბილსა და ღვინოში. როგორც ცნობილია, სწორედ ისინი არღვევენ ყურძნისა და მარანში ბუნებრივად არსებული მიკროფლორის ეკო-წონასწორობას.