ოკუპანტებმა თამარაშენში მწყემსი დააკავეს

რუსმა ოკუპანტებმა სოფელ თამარაშენში მწყემსი დააკავეს. ქარელის მუნიციპალიტეტის ტერიტორიული ორგანოს, ფცას რწმუნებულის თამაზ ბერუაშვილის ინფორმაციით, რუსი სამხედროები წუხელ თავიანთი დისლოკაციის ადგილს დაახლოებით 60-80 მეტრით გამოცდნენ და ქართული მხარის მიერ კონტროლირებად ტერიტორიაზე გადმოვიდნენ.

თუმცა, საქართველოს შინაგან საქმეთა სამინისტროს ანალიტიკურ დეპარტამენტში "ინტერპრესნიუსს" განუცხადეს, რომ 54 წლის ოთარ ქოქოშვილმა ადმინისტრაციული საზღვარი თავად შეცდომით გადაკვეთა, ვინაიდან იქ მავთულხლართები და სხვა აღნიშვნითი ნიშნები არ არის.

დაკავებული ცხინვალის იზოლატორშია გადაყვანილი. მისი გათავისუფლების მიზნით მოლაპარაკებები ევროკავშირის მონიტორინგის მისიის ცხელი ხაზის მეშვეობით მიმდინარეობს.

"ინტერპრესნიუსი"