ჩეჩნეთის ლიდერის ქალიშვილის მილიონები - როგორ გამოიმუშავებს 19 წლის ტაბარიკ კადიროვა და მისი კომპანია ფულს: "გასულ წელს 200 მლნ-ის მოგება ჰქონდა"
ჩეჩნეთის ლიდერის, რამზან კადიროვის 19 წლის ქალიშვილის, ტაბარიკ კადიროვას კომპანია მილიონებს გამოიმუშავებს. საუბარია "ირს გუპზე“ - ეს არის კომპანია, რომლის თანადამფუძნებელიც გახლავთ რამზანის შვილი. ოფიციალური მონაცემებით, გასულ წელს კომპანიამ 203 მილიონი რუბლის ოდენობის მოგება ნახა, აქედან 196 მილიონი სუფთა მოგება იყო.
ინფორმაცია ღია ფინანსურ ანგარიშვალდებულებაშია გამოქვეყნებული
ანგარიშში მითითებულია, რომ ორგანიზაციის ბალანსი 196.4 მილიონ რუბლს შეადგენს. 2023 წელს გასავალმა 6.2 მილიონი რუბლი შეადგინა. კომპანიას საკრედიტო ვალდებულება 436 000 რუბლს შეადგენს.
"ირს-გრუპი“ 2023 წლის მარტში დარეგისტრირდა. მის საქმიანობაში მითითებულია ვაჭრობა, იჯარა და უძრავი ქონების მართვა, მიწის ნაკვეთების ყიდვა და გაყიდვა .
"ირს-გრუპმა“ ამ მოკლე პერიოდში სახელმწიფო შესყიდვებშიც მიიღო მონაწილეობა. ტაბარიკ კადიროვა 2022 წლის ბოლოს ტვირთის გადაზიდვის კომპანიის, "გროზნოს ტაქსის“ დამფუძნებელი გახდა.
"ირს-გრუპში“ კადიროვას 99%-იანი წილი აქვს. საქმიანობაში კი ვაჭრობა და კიდევ 35 კატეგორია აქვს მითითებული, მათ შორის რესტორნებისა და უძრავი ქონების მართვა.
ავტორი: ანრი კურტანიძე