ჩინეთის კოსმოსურ ამბიციებს კონკურენტი გამოუჩნდა - დიდი რბოლა იაპონიასა და ჩინეთს შორის: ვინ იქნება მთვარეზე პირველი?
აშშ-ის პრეზიდენტის ბაიდენისა და იაპონიის პრემიერ-მინისტრის ფუმიო კიშიდას მიერ 10 აპრილს ჩამოყალიბებული გეგმის მიხედვით, იაპონია მჭიდროდ ითანამშრომლებს შეერთებულ შტატებთან, რათა მთვარეზე თავისი ასტრონავტი გაგზავნოს.
NASA ამას იაპონიასა და ჩინეთს შორის მიმდინარე "კოსმოსურ რბოლას" უწოდებს.
თუ ეს გეგმა გამართლდება, მაშინ იაპონელი ასტრონავტი პირველი არაამერიკელი გახდება, რომელიც მთვარეზე გაემგზავრება. ჩინეთმა ადრე გამოაცხადა, რომ 2030 წლისთვის ასტრონავტების მთვარეზე გაგზავნას გეგმავდა. ასევე იგეგმება, რუსეთთან ერთად, ერთობლივი მთვარის ბაზის აშენება.
"გვჯერა, რომ მათი კოსმოსური პროგრამის უმეტესი ნაწილი სამხედრო პროგრამაა", - განაცხადა NASA-ს ხელმძღვანელმა ბილ ნელსონმა.
იაპონიის ამბიციებმა შესაძლოა პეკინს თავისი გეგმების გაფართოება აიძულოს. ჩინეთის კოსმოსური ამბიციები ბოლო წლებში განსაკუთრებით გაძლიერდა. ქვეყანამ დედამიწის ორბიტაზე საკუთარი კოსმოსური სადგური ააშენა და მთვარეზე როვერებიც გაგზავნა. გარდა ამისა, 2026 და 2028 წლებში მთვარის სამხრეთ პოლუსზე წყლის შესწავლას აპირებს.
ჩინეთის გეგმები პირდაპირ კონკურენციაშია ამერიკის შეერთებული შტატების მიზნებთან.
ორივე ქვეყანა კოსმოსურ კვლევებზე მილიარდობით დოლარს ხარჯავს. ცნობისთვის, 2019 წელს, ჩინეთი პირველი ქვეყანა გახდა, რომელმაც მთვარის შორეულ მხარეს როვერის დასმა და იქიდან მთვარის პირველი ნიმუშების მოპოვება შეძლო.
იხილეთ ასევე: