დიცში რუსმა სამხედროებმა ე.წ.სასაზღვრო-სადემარკაციო სამუშაოების წარმოება გააგრძელეს
სოფელ დიცის მიმდებარე ტერიტორიაზე, რუსმა სამხედროებმა ე.წ.სასაზღვრო-სადემარკაციო სამუშაოების წარმოება გააგრძელეს. აღნიშნული სამუშაოების შედეგად, ლითონის ბადე, ერთ-ერთი ადგილობრივი მკვიდრის, ბერუაშვილის საცხოვრებელი სახლიდან რამდენიმე მეტრის დაშორებით გადის.
სამი საცხოვრებელი სახლი, რომელსაც საფრთხე ემუქრებოდა, რომ ოსური მხარის კონტროლირებად ტერიტორიაზე მოექცეოდა, როგორც ჩანს, არ აღმოჩნდება მათ მიერ კონტროლირებად ტერიტორიაზე. ადგილობრივმა მაცხოვრებლებმა ჯერ არ იციან ე.წ. საზღვრის გავლების შედეგად, რომელ ტერიტორიაზე მოექცა დიცის სასაფლაო, იქიდან გამომდინარე, რომ ამ ადგილას ადგილობრივები უკვე ვეღარ მიდიან.
რუსი სამხედროები სასაფლაოს მიმართულებით, ადგილობრივებს გადაადგილების საშუალებას უკვე აღარ აძლევენ. ადგილზე იმყოფებიან ქართველი სამართალდამცავები და ევროკავშირის სადამკვირვებლო მისიის გორის ოფისის მონიტორები.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
