დვანში მოსავალს რუსი სამხედროების მეთვალყურეობით იღებენ
ოკუპირებული ტერიტორიის მოსაზღვრედ მდებარე ბაღებში ადგილობრივმა მოსახლეობამ მოსავლის აღება დაიწყო. რუსმა სამხედროებმა ადგილობრივ მოსახლეობას მოსავლის აღების საშუალება მისცეს.
ამასთან, როგორც "ინტერპრესნიუსის" კორესპონდენტი იუწყება, მოსავლის აღების დასრულების შემდეგ კი, რუსი სამხედროები ე.წ. სასაზღვრო ზოლზე სამონტაჟო სამუშაოებს გააგრძელებენ.
ოკუპირებული ტერიტორიის პერიმეტრზე ამ დრომდე რჩებიან რუსი სამხედროები და მოსავლის აღება მათი მეთვალყურეობით მიმდინარეობს.
რაც შეეხება ქართველ სამართალდამცავებს, შიდა ქართლის სამხარეო მთავარი სამმართველოს წარმომადგენლები ამ ტერიტორიაზე დარჩებიან, ვიდრე ადგილობრივი მოსახლეობა მოსავლის აღებას არ დაასრულებს.
ამასთან, რუსმა სამხედროებმა გაანახლეს ე.წ. სასაზღვრო სამუშაოები იმ ტერიტორიაზე, სადაც ადგილობრივმა მოსახლეობამ სიმინდის მოსავლის აღება დაასრულა.
ტერიტორიული ორგანოს რწმუნებულის, ზაზა კოპაძის განცხადებით, დვანელების კუთვნილი რამდენიმე ათეული ჰექტარი მიწის ფართობი ოსური მხარის კონტროლირებად ტერიტორიაზე მოექცევა.
მასწავლებელი ოკუპირებული აფხაზეთიდან, რომელიც საქართველოს 5 საუკეთესო პედაგოგს შორისაა, მისი წიგნები კი ბესტსელერია
"სიკვდილ-სიცოცხლის არჩევანის წინაშე გვაყენებენ, მიგრაცია გარდაუვალია" - უვადოდ ჩაკეტილი ახალგორის გზა და ცხოვრება იზოლაცაში
