ბაგრამის საავიაციო ბაზაზე, ჭურვის ჩამოვარდნის შედეგად არავინ დაშავებულა

ავღანეთში, ბაგრამის საავიაციო ბაზაზე ჭურვი ჩამოვარდა, თუმცა არ აფეთქდა. არსებული ინფორმაციით, ჭურვი იმ ტერიტორიაზე ჩამოვარდა, სადაც ინფრასტრუქტურა და სამხედრო კონტიგენტი არ იყო განთავსებული.

როგორც "ინტერპრესნიუსს" საქართველოს თავდაცვის სამინისტროში განუცხადეს, შემთხვევის შედეგად ბაგრამის საავიაციო ბაზაზე დისლოცირებული ქართული კონტინგენტის არც ერთი ჯარისკაცი არ დაშავებულა და ქართველი ჯარისკაცები უსაფრთხოდ არიან.