მუამარ კადაფის ჯარები ქალაქ ბენღაზში შევიდნენ

ლიბიის სახელისუფლო ძალებსა და ოპოზიციას შორის, ქალაქ ბენგაზის მისადგომებთან ბრძოლები მიმდინარეობს. ინფორმაციას "როიტერი" ტელეკომპანია "ალ ჯაზირაზე" დაყრდნობით ავრცელებს.

სააგენტოს ცნობით, ქალაქში სროლის ხმა ისმის. "ალ-ჯაზირას" ინფორმაციით, სახელისუფლო ჯარები ქალაქის დასავლეთ ნაწილში უკვე შევიდნენ. ამბოხებულთა რაზმებმა კი თავიანთი პოზიციების დატოვება დაიწყეს.

მანამდე, აშშ-ის ელჩმა გაერო-ში სიუზან რაისმა განაცხადა, რომ კადაფის ჯარები ცეცხლის შეწყვეტის თაობაზე დადებულ პირობას არღვევენ და ქვეყნის აღმოსავლეთ ნაწილში ოპოზიციაზე შეტევას აგრძელებენ. ბენგაზი ლიბიის ერთ-ერთი საკვანძო ქალაქია.

"ინტერპრესნიუსი"