მორაგბე გიორგი ლომინაძის მეუღლე ნუცა გუნცაძე ავარიის შემდეგ პირველად დადგა ფეხზე

მორაგბე გიორგი ლომინაძე და მისი მეუღლე ნუცა გუნცაძე ტრაგიკული ავარიის შემდეგ ხანგრძლივი მკურნალობის კურსს თურქეთში გადიოდნენ, სადაც რამდენიმე ოპერაცია ჩაუტარდათ. თუმცა, სრულ რეაბილიტაციამდე კიდევ ბევრი ეტაპის გავლა არის საჭირო. წყვილი უკვე საქართველოშია და აქ აგრძელებენ მკურნალობას.

ცოტა ხნის წინ, ნუცამ ფეისბუქის პირად გვერდზე ახალი ფოტო გამოაქვეყნა, რომელზეც ის მარტო, ფეხზე მდგომია ასახული! ნუცა მძიმე ავარიის შემდეგ პირველად დგას დამოუკიდებლად ფეხზე. სასიხარულო ამბავს მისი ფეისბუქმეგობრები აღფრთოვანებით შეხვდნენ. ისინი აღნიშნავენ, რომ ნუცა არაჩვეულებრივად გამოიყურება და მას საბოლოო გამოჯანმრთელებას უსურვებენ.